തിരുവനന്തപുരം: ജില്ലയിൽ ഇന്നലെ 222 പേർക്ക് കൂടി കൊവിഡ് സ്ഥിരീകരിച്ചു. 227 പേർ രോഗമുക്തരായി.നിലവിൽ 3,480 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്.ജില്ലയിൽ അഞ്ചുപേരുടെ മരണം കൊവിഡ് മൂലമാണെന്ന് സ്ഥിരീകരിച്ചു.പാങ്ങോട് സ്വദേശിനി സൈബാബ ബീവി (64), മെഡിക്കൽ കോളേജ് സ്വദേശി ഒ. അബ്ദുൾ മജീദ് (84), കാട്ടായിക്കോണം സ്വദേശി രാമചന്ദ്രൻ നായർ (68), പനക്കോട് സ്വദേശി ശങ്കു (62), കോട്ടക്കൽ സ്വദേശിനി ഷീല (49) എന്നിവരുടെ മരണമാണ് കൊവിഡ് മൂലമാണെന്ന് സ്ഥിരീകരിച്ചത്. ഇന്നു രോഗം സ്ഥിരീകരിച്ചവരിൽ 155 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ അഞ്ചു പേർ ആരോഗ്യപ്രവർത്തകരാണ്. രോഗലക്ഷണങ്ങളെത്തുടർന്ന് ജില്ലയിൽ 1,473 പേരെക്കൂടി നിരീക്ഷണത്തിലാക്കി.ഇവരടക്കം ആകെ 23,104 പേർ വീടുകളിലും 90 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്.ഇന്നലെവരെ നിരീക്ഷണത്തിലുണ്ടായിരുന്ന 1,766 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.