കൊച്ചി: അങ്കമാലി അതിരൂപതാ സാമൂഹ്യപ്രവർത്തന വിഭാഗമായ സഹൃദയയും കാരിത്താസ് ഇന്ത്യയും സംയുക്തമായി നടപ്പാക്കുന്ന ആശാകിരണം കാൻസർ കെയർ പദ്ധതിയുടെ ഭാഗമായി കാൻസർ രോഗികൾക്ക് ക്രിസ്തുമസ് കേക്കും ഹൈജീൻ കിറ്റുകളും വിതരണം ചെയ്തു. എറണാകുളം ജനറൽ ആശുപത്രിയിൽ സഹൃദയ ഡയറക്ടർ ഫാ. ജോസ് കൊളുത്തുവെള്ളിലിന്റെ അദ്ധ്യക്ഷതയിൽ നടത്തിയ പരിപാടിയിലാണ് ഹൈബി ഈഡൻ എം.പി 200 രോഗികൾക്ക് കേക്കും ഹൈജീൻ കിറ്റും വിതരണം ചെയ്തത്. സമൂഹത്തിലെ വേദനിക്കുന്നവരെക്കുറിച്ചുള്ള കരുതലും അവർക്കായുള്ള പങ്കുവയ്‌പുമാണ് ആഘോഷാവസരങ്ങളെ അർത്ഥപൂർണക്കുന്നതെന്ന് അദ്ദേഹം അഭിപ്രായപ്പെട്ടു. ആശുപത്രി സൂപ്രണ്ട് ഡോ. അനിത, ആർ.എം.ഓ. ഡോ നിവിൻ, കാരിത്താസ് ഇന്ത്യ പ്രതിനിധികളായ ഡോ. വി.ആർ ഹരിദാസ്, ലീസ പാപ്പച്ചൻ, സിബി പൗലോസ്, അബീഷ് ആൻ്റണി ,നിക്‌സൺ മാത്യു , സഹൃദയ കോ-ഓർഡിനേറ്റർ അനന്തു ഷാജി എന്നിവർ പങ്കെടുത്തു.