നാഗർകോവിൽ: കന്യാകുമാരി കരിങ്കലിനടുത്ത് സെൽഫി എടുക്കുന്നതിനിടെ തിരയിൽപ്പെട്ട് രണ്ട് യുവാക്കളെ കാണാതായി. ചെന്നൈ, ചെങ്കൽപ്പെട്ട് സ്വദേശി ബാലാജി (19), കരിങ്കൽ കപ്പിയറ സ്വദേശി ജെബിൻ (24) എന്നിവരാണ് തിരയിൽപ്പെട്ടത്. ജെബിനും, ബാലാജിയും ചെന്നൈയിലുള്ള സ്വകാര്യ കമ്പനിയിൽ ജോലി നോക്കുകയാണ്. ജെബിനുംബാലാജിയും കൂട്ടുകാരായ 17 പേരും ചേർന്ന് ക്രിസ്മസ് ആഘോഷിക്കാൻ കന്യാകുമാരിയിൽ എത്തിയിരുന്നു. ജെബിനും, ബാലാജിയും ബുധനാഴ്ച്ച വൈകുന്നേരം 5 മണിക്ക് കരിങ്കലിലെ അലഞ്ഞി, പാലിയക്കൽ ബീച്ചിലെ പാറയിൽ കയറി സെൽഫി എടുക്കവേ തിരയിൽ പെടുകയായിരുന്നു. കുളച്ചൽ മറൈൻ പൊലീസ് തിരച്ചിൽ നടത്തുകയാണ്.