ആലപ്പുഴ : ജനുവരി എട്ടിന് നടക്കുന്ന സംസ്ഥാന പൊലീസ് മേധാവിയുടെ ഓൺലൈൻ പരാതിപരിഹാര അദാലത്തിൽ ക്രൈംബ്രാഞ്ച് ഉദ്യോഗസ്ഥരുടെ പരാതികൾ പരിഗണിക്കും. പരാതികൾ spctalks.pol@kerala.gov.in എന്ന വിലാസത്തിൽ ജനുവരി നാലിന് മുമ്പ് ലഭിക്കണം. എസ്.പി.സി ടോക്‌സ് വിത്ത് കോപ്പ്‌സ് എന്ന് നാമകരണം ചെയ്തിരിക്കുന്ന പരിപാടിയിൽ സർവ്വീസിൽ ഉള്ളതും വിരമിച്ചതുമായ പോലീസ് ഉദ്യോഗസ്ഥരുടെ സർവ്വീസ് സംബന്ധവും വ്യക്തിപരവുമായ പരാതികളാണ് പരിഗണിക്കുന്നത്. ഇവ നേരിട്ട് സംസ്ഥാന പോലീസ് മേധാവിയുടെ ശ്രദ്ധയിൽപ്പെടുത്തി പരിഹാരം കാണാം. പൊലീസ് ഉദ്യോഗസ്ഥർക്ക് മേലധികാരി മുഖേന അല്ലാതെ നേരിട്ടുതന്നെ പരാതി നൽകാമെന്നതാണ് ഇതിന്റെ പ്രത്യേകത. ഉദ്യോഗസ്ഥരുടെ ജീവിതപങ്കാളിക്കും പരാതി നൽകാം. ഹെൽപ്പ് ലൈൻ നമ്പർ: 9497900243.