ആലപ്പുഴ: വായ്പാ തിരിച്ചടവിൽ മുടക്കം വന്നവർക്കായി സംസ്ഥാന വനിതാ വികസന കോർപറേഷൻ 'അതിജീവനം സമാശ്വാസ പദ്ധതി' നടപ്പാക്കും. 2011 ജനുവരി ഒന്നു മുതൽ 2015 ഡിസംബർ 31 വരെ വിതരണം ചെയ്തിട്ടുള്ള വായ്പകളിൽ കാലാവധി പൂർത്തിയായതും തിരിച്ചടവ് പൂർത്തിയാവാത്തതുമായ ഗുണഭോക്താക്കളാണ് ആദ്യവിഭാഗം. നിലവിൽ കാലാവധി കഴിഞ്ഞിട്ടില്ലാത്ത, മൊറട്ടോറിയം ആനുകൂല്യം അനുവദിച്ചതിനു ശേഷവും ഒരു ലക്ഷം രൂപയ്ക്ക് മേൽ കുടിശികയുള്ള വായ്പകൾക്കും പ്രയോജനം ലഭിക്കും. ഗുണഭോക്താക്കൾ പൂരിപ്പിച്ച അപേക്ഷകൾ 31നകം ബന്ധപ്പെട്ട മേഖല/ ജില്ലാ ഓഫീസിൽ സമർപ്പിക്കണം. ഫോൺ:9496015015, 9496015006, 9496015008, 9496015010.