ആലപ്പുഴ: കെ.എസ്.ആർ.ടി.സി പെൻഷൻ ബാദ്ധ്യതകൾ സർക്കാർതന്നെ ഏറ്റെടുത്ത് പെൻഷൻ വിതരണം യഥാസമയം ഉറപ്പ് വരുത്തണമെന്ന് പെൻഷണേഴ്സ് ഓർഗനൈസേഷൻ ആലപ്പുഴ യൂണിറ്റ് കമ്മിറ്റി ആവശ്യപ്പെട്ടു. ഈ ആവശ്യം ഉന്നയിച്ച് ഇ-മെയിൽ സന്ദേശങ്ങൾ മുഖ്യമന്ത്രിക്ക് അയക്കുവാനും തീരുമാനിച്ചു. യോഗത്തിൽ യൂണിറ്റ് പ്രസിഡന്റ് ബേബി പാറക്കാടൻ അദ്ധ്യക്ഷത വഹിച്ചു. കേന്ദ്ര കമ്മിറ്റി അംഗം ജി.തങ്കമണി, യൂണിറ്റ് സെക്രട്ടറി വി.രാധാകൃഷ്ണൻ, ട്രഷറർ എം.പി.പ്രസന്നൻ, വൈസ് പ്രസിഡന്റ് എ.ബഷീർകുട്ടി, ജോയിന്റ് സെക്രട്ടറി കെ.എം.സിദ്ധാർഥൻ, എസ്.പ്രേംകുമാർ, ജില്ലാ കമ്മിറ്റിയംഗങ്ങളായ ബി.ഗോപകുമാർ, ടി.സി.ശാന്തിലാൽ, എം.ജെ.സ്റ്റീഫൻ, വി.പി.രാജപ്പൻ, കെ.ടി.മാത്യു, വി.വി.ഓംപ്രകാശ്, എം.പുഷ്പാംഗധൻ, കെ.ജെ.ആന്റണി, ഇ.എ.ഹക്കിം, ബി.രാമചന്ദ്രൻ എന്നിവർ സംസാരിച്ചു.