കായംകുളം: കായംകുളം നഗരസഭയിൽ സ്റ്റാൻഡിംഗ് കമ്മിറ്റി തി​രഞ്ഞെടുപ്പിൽ വോട്ടുകളുടെ മൂല്യം നിർണയിക്കുന്നതിൽ യു.ഡി.എഫിന് പഴവ് പറ്റിയതോടെ പൊതുമരാമത്ത് സ്റ്റാന്റിംഗ് കമ്മി​റ്റിയിൽ മുസ്ലിം ലീഗ് അംഗം പരാജയപ്പെടുകയും ബി.ജെ.പി വിജയിക്കുകയും ചെയ്തു.

ബി.ജെ.പിയിലെ ഡി. അശ്വനീദേവാണ് വിജയിച്ചത്. ലീഗിലെ നവാസ് മുണ്ടകത്തിൽ പരാജയപ്പെട്ടു. 7 അംഗ സ്ഥിരം സമിതിയിലേക്ക് മൂന്നുപേരെ വിജയിപ്പിക്കാൻ ആവശ്യമായ അംഗബലം ഉണ്ടായിട്ടും രണ്ട് കോൺഗ്രസ് പ്രതികൾ മാത്രമേ വിജയിച്ചിട്ടുള്ളൂ .നവാസിന് സ്വന്തം വോട്ട് മാത്രമാണ് ലഭിച്ചത്. കൗൺസിലിൽ മൂന്ന് അംഗങ്ങൾ മാത്രമാണ് ബി.ജെ.പിയ്ക്ക് ഉള്ളത്.

കഴിഞ്ഞ ഭരണസമിതിയിൽ 16 അംഗങ്ങൾ ഉണ്ടായിരുന്ന യുഡിഎഫി​ന് ക്ഷേമകാര്യ സ്ഥിരംസമിതി ലഭിച്ചിരുന്നു.