മാന്നാർ : കുട്ടമ്പേരൂർ ശുഭാനന്ദപുരം ശ്രീ ദുർഗാഭഗവതി ക്ഷേത്രത്തിലെ പ്രതിഷ്ഠ ഇന്ന് നടക്കും

തന്ത്രി പിരളിയിൽ ഇല്ലത്ത് ബാലകൃഷ്ണൻ നമ്പൂതിരിയുടെ മുഖ്യകാർമികത്വത്തിലാണ് ചടങ്ങുകൾ. രാവിലെ 10.24നു ശേഷമുള്ള മീനം രാശി മുഹൂർത്തത്തിലാണ് പ്രതിഷ്ഠാകർമ്മം .തുടർന്ന് ജീവകലാശാഭിഷേകം

ഉപദേവ പ്രതിഷ്ഠകൾ, കലശാഭിഷേകങ്ങൾ, കുംഭാഭിഷേകം, ഉച്ചക്ക് 1 ന് സമൂഹസദ്യ, വൈകിട്ട് 3ന് പൊതുസമ്മേളനം നടക്കും

ശാന്തിഗിരി ആശ്രമം ഓർഗനൈസിംഗ് സെക്രട്ടറി ഗുരുരത്നം ജ്ഞാനതപസ്വി യോഗം ഉദ്ഘാടനം ചെയ്യും. ഗുരുവായൂർ ദേവസ്വം മുൻ അഡ്മിനിസ്ട്രേറ്റർ കെ.വേണുഗോപാൽ അദ്ധ്യക്ഷത വഹിക്കും. യാക്കോബായാ സുറിയാനി സഭ നിരണം ഭദ്രാസനാധിപൻ ഡോ.ഗീവർഗീസ് മോർ കൂറിലോസ് മെത്രാപ്പൊലീത്ത അനുഗ്രഹ പ്രഭാഷണവും .പി.എം.എ സലാം

മുസ്ലിയാർ മുഖ്യ പ്രഭാഷണവും നടത്തും ജനപ്രതിനിധികൾ, വിവിധ സംഘടനാ ഭാരവാഹികൾ, തുടങ്ങിയവർ സംസാരിക്കും വൈകിട്ട് 6ന് ദീപക്കാഴ്ചയും സമൂഹാരാധനയും രാത്രി 8 നു മാസ്റ്റർ സഞ്ജയ്റാം എസ്.മാവേലിക്കരയുടെ സംഗീതസദസും നടക്കും. കൂടാതെ ജനുവരി 31ന് പകൽ പന്ത്രണ്ടു മണിയ്ക്ക് പദ്മനാഭ സ്വാമി ക്ഷേത്ര ഭരണ സമിതിയിലേക്ക് നാമനിർദേശം ചെയ്യപ്പെട്ട മുൻ മിസോറാം ഗവർണർ കുമ്മനം രാജശേഖരന് ശുഭാനന്ദ ആദർശാശ്രമത്തിന്റെ നേതൃത്വത്തിൽ സ്വീകരണവും അന്തരിച്ച പ്രശസ്ത കവിയത്രി സുഗതകുമാരി ടീച്ചറുടെ നാമദേയത്തിൽ നടപ്പാക്കുന്ന ചികിത്സ സഹായ നിധി യുടെ ഉത്‌ഘാടനവും നടക്കുംഎന്ന് ക്ഷേത്ര ഭാരവാഹികൾ വാർത്താ സമ്മേളനത്തിൽ പറഞ്ഞു.

ഗുരുവായൂർ മുൻ ദേവസ്വം അഡ്മിനിസ്ട്രേറ്റർ

കെ വേണുഗോപാൽ, ഷാലു കുട്ടംപേരൂർ, പ്രശാന്ത് ചിങ്ങവനം, മനു മാന്നാർ തുടങ്ങിയവർ പങ്കെടുത്തു.