കായംകുളം: ദേവികുളങ്ങര ഇടമരത്തുശ്ശേരിൽ യുവമോർച്ച യൂണിറ്റ് പ്രസിഡന്റിനേയും കുടുബത്തെയും വീട് കയറി ആക്രമിച്ചു. സി.പി.എം - ഡി.വൈ.എഫ്.ഐ എ്രവർത്തകരാണ് ആക്രമണത്തിന് പിന്നിലെന്ന് കുടുംബം ആരോപിച്ചു.

പുതുപ്പള്ളി വടക്ക് ഇടിയ്ക്കാത്തറയിൽ അനുപ്രസാദി​ന് വെട്ടേറ്റു.ഇന്നലെ വൈകിട്ടായിരുന്നു ആക്രമണം.
ഭാര്യ മോനിഷ, ആറു മാസം പ്രായമുള്ള കൈക്കുഞ്ഞ് സഹോദരൻ മനുപ്രസാദ്, ഇവരുടെ പിതാവ് പ്രസാദ് എന്നിവർക്ക് നേരെയും ആക്രമണമുണ്ടായി​. യുവമോർച്ച യൂണിറ്റ് പ്രസിഡന്റ് അനുപ്രസാദിന് വെട്ടേറ്റു. വാഹനങ്ങളും വീടും അക്രമിസംഘം അടിച്ചു തകർത്തു.

പരിക്കേറ്റവരെ കായംകുളം ഗവൺമെന്റ് ആശുപത്രിയിൽ പ്രവേശിപ്പിച്ചപ്പോൾ ആയുധങ്ങളുമായി അക്രമികൾ ഇവി​ടെ എത്തുകയും പൊലീസിനു മുൻപിൽ ഭീകരാന്തരീക്ഷം സൃഷ്ടിക്കുകയും ചെയ്തുവെന്ന് ആരോപണമുണ്ട്.