മാന്നാർ: കേരള സ്റ്റേറ്റ് ഇലക്ട്രിസിറ്റി ബോർഡിന്റെ ആഭിമുഖ്യത്തിലുള്ള ഫിലമെന്റ് രഹിത കേരളം പദ്ധതിയുടെ ചെങ്ങന്നൂർ ഡിവിഷൻ തല ഉദ്ഘാടനം മാന്നാർ പഞ്ചായത്ത് കോൺഫറൻസ് ഹാളിൽ നടന്നു. ചെങ്ങന്നൂർ എം.എൽ.എ. സജി ചെറിയാൻ ഉദ്ഘാടനം നിർവഹിച്ചു. മാന്നാർ പഞ്ചായത്തിലെ 26 അംഗൻവാടികൾക്ക് എൽ.ഇ.ഡി ബൾബുകൾ എം.എൽ.എ വിതരണം ചെയ്തു. മാന്നാർ പഞ്ചായത്ത് പ്രസിഡന്റ് ടി​.വി. രത്നകുമാരി അദ്ധ്യക്ഷത വഹിച്ച ചടങ്ങിൽ കെ.എസ് .ഇ.ബി ചെങ്ങന്നൂർ ഡിവിഷൻ എക്സിക്യൂട്ടി​വ് എൻജി​നി​യർ .വി.എൻ. പ്രസാദ് സ്വാഗതം പറഞ്ഞു. വിവിധ യൂണിയനുകളെ പ്രതിനിധീകരിച്ച് സുരേന്ദ്രൻ സി.കെ, സജികുമാർ.ബി, ജോജി ജോർജ് തുടങ്ങിയവർ സംസാരി​ച്ചു. മാവേലിക്കര ബ്ലോക്ക് പഞ്ചായത്ത് അംഗം ബി.കെ.പ്രസാദ്, മാന്നാർ പഞ്ചായത്ത് വൈസ് പ്രസിഡണ്ട് സുനിൽ ശ്രദ്ധേയം , മറ്റ് പഞ്ചായത്ത് അംഗങ്ങൾ എന്നിവർ പങ്കെടുത്തു. എൽ.ഇ.ഡി ബൾബുകൾ അംഗൻവാടി പ്രതിനിധികൾ ഏറ്റു വാങ്ങി.