ന്യൂ​ഡ​ൽ​ഹി: കർഷക നിയമത്തിനെതിരായ സമരം 37ാം ദിവസത്തിലേക്ക് കടക്കവെ, കൊടും തണുപ്പിനെ പ്രതിരോധിക്കാൻ അതിർത്തികളിൽ നൂറുകണക്കിന് ടെന്റുകൾ കെട്ടി കർഷകർ. ഇതോടെ ഡൽഹി അ​തി​ർ​ത്തി​ക​ൾ ടെന്റ് ന​ഗ​ര​ങ്ങ​ളാ​യി. നി​ര​വ​ധി സാ​മൂ​ഹി​ക സം​ഘ​ട​ന​ക​ൾ സ​മ​ര​ഭൂ​മി​യി​ൽ​ പ്രാ​യ​മാ​യ​വ​ർ​ക്കും സ്​​ത്രീ​ക​ൾ​ക്കും കു​ട്ടി​ക​ൾ​ക്കു​മാ​യി ടെന്റുകൾ സ്ഥാ​പി​ച്ചു. നേ​ര​ത്തേ​തന്നെ ടെന്റുകളുയർന്ന സിം​ഘു​വി​ന്​ പു​റ​മെ ടി​ക്​​രി, ഗാ​സി​പു​ർ അ​തി​ർ​ത്തി​ക​ളി​ലും നൂ​റു​ക​ണ​ക്കി​ന്​ പു​തി​യ ടെന്റുകൾ സ്ഥാപിച്ചു. സ​മ​ര​ത്തി​ൽ സ്​​ത്രീ​സാ​ന്നിദ്ധ്യം കൂ​ടു​ത​ലു​ള്ള ടി​ക്​​രി​യി​ൽ മെ​ട്രോ പാ​ത​ക്ക്​ താഴെ​യാ​യി റോ​ഡി​നി​രു​വ​ശ​ത്തും ടെന്റുകളുണ്ട്.

വഴിയരികിൽ നിറുത്തിയിട്ട ട്രാക്ടറുകൾക്ക് പിന്നിൽ കോർത്ത വലിയ ട്രോളികളിൽ വൈയ്ക്കോൽ കിടക്കയൊരുക്കി അതിനു മുകളിൽ പഞ്ഞിക്കിടക്ക വിരിച്ച്, ശീതക്കാറ്റ് കയറാതിരിക്കാൻ കമ്പിളിപ്പുതപ്പ് കൊണ്ടു ട്രോളികൾ മറച്ചാണ് പകുതിയിലേറെ കർഷകർ കഴിയുന്നത്. ട്രോളികൾക്ക് പുറത്തിരിക്കുന്നവർക്ക് തീ കായാൻ ടൺ കണക്കിന് വിറക് പഞ്ചാബ്, ഹരിയാന എന്നിവിടങ്ങളിൽ നിന്നുള്ള ലോറികളിൽ ദിവസേന എത്തിക്കുന്നുണ്ട്. കുളിക്കാനും കുടിക്കാനും വെള്ളം ചൂടാക്കുന്നതിനുമായി ആയിരക്കണക്കിന് ബർണറുകളാണ് (വിറക് അടുപ്പ്) പഞ്ചാബിൽ നിന്നെത്തിച്ചിരിക്കുന്നത്. ഭൂരിഭാഗവും സിഖ് ഗുരുദ്വാരകൾ സംഭാവന ചെയ്തതാണ്.