ന്യൂഡൽഹി: കൊവിഡ് വാക്‌സിൻ വിതരണത്തിന് മുന്നോടിയായി പ്രധാനമന്ത്രി നരേന്ദ്രമോദി സംസ്ഥാന മുഖ്യമന്ത്രിമാരുമായി തിങ്കളാഴ്ച വൈകിട്ട് കൂടിക്കാഴ്ച നടത്തും. വീഡിയോ കോൺഫറൻസിംഗിലൂടെയാണ് പ്രധാനമന്ത്രി സംവദിക്കുന്നത്. രാജ്യത്തെ കൊവിഡ് സാഹചര്യവും വാക്‌സിനേഷൻ വിതരണ നടപടികളും ചർച്ച ചെയ്യും.
കൊവിഷീൽഡ്, കൊവാക്‌സിൻ എന്നിവയ്ക്ക് അടിയന്തര ഉപയോഗാനുമതി ജനുവരി മൂന്നിന് ഡ്രഗ്‌സ് കൺട്രോളർ ജനറൽ നൽകിയതിന് ശേഷം ഇതാദ്യമായാണ് പ്രധാനമന്ത്രി മുഖ്യമന്ത്രിമാരുമായി കൂടിക്കാഴ്ച നടത്തുന്നത്.