ന്യൂഡൽഹി: പ്രധാനമ​ന്ത്രിയെ ട്വിറ്ററിലൂടെ വിമർശിച്ചതിന് ഗോ എയർ മുതിർന്ന പൈലറ്റിനെ മാനേജ്മെന്റ് പിരിച്ചുവിട്ടു.

''പ്രധാനമന്ത്രിയെ വിമർശിച്ച്​ ക്യാപ്ടൻ നിരവധി ട്വീറ്റുകളിട്ടിരുന്നു. എയർലൈൻ പോളിസി അനുസരിച്ച്​ ​പൈലറ്റ്​ ക്ഷമ ചോദിച്ചിരുന്നു. എന്നാൽ സീറോ ടോളറൻസ്​ പോളിസിയാണ്​ ഗോ എയർ പിന്തുടരുന്നത്​. കമ്പനി നിയമപ്രകാരം എല്ലാ ഗോ എയർ ജീവനക്കാർക്കും ഇത്​ ബാധകമാണ്​. സമൂഹമാദ്ധ്യമങ്ങളിലെ പെരുമാറ്റവും ഇതിൽ ഉൾപ്പെടും. അതിനാൽ അടിയന്തിരമായി ക്യാപ്ടനെ ജോലിയിൽ നിന്ന് പിരിച്ചുവിടുന്നു.'' - ഗോ എയർ പ്രസ്​താവനയിൽ അറിയിച്ചു. എന്നാൽ പ്രധാനമന്ത്രിയെ വിമർശിച്ചതിന് ക്ഷമ ചോദിക്കുന്നുവെന്നും തൊഴിലാളികളുടെയോ വ്യക്തികളുടെയോ വ്യക്തിഗത കാഴ്ചകളുമായി കമ്പനിക്ക്​ ബന്ധമില്ലെന്നും ജോലി നഷ്ടപ്പെട്ട പൈലറ്റ് പ്രതികരിച്ചു.