 മോദിയെ കണ്ട് ദുഷ്യന്ത് ചൗട്ടാല

 കർഷകർക്കെതിരെ ഹേമമാലിനി

ന്യൂഡൽഹി: പുതിയ കാർഷിക നിയമങ്ങൾക്കെതിരെ പ്രതിഷേധം ശക്തമാക്കി കർഷക സംഘടനകൾ. ഉത്തരേന്ത്യയിലെ ശൈത്യകാല ആഘോഷമായ ലോഹ്‌റി ദിനമായ ഇന്നലെ പഞ്ചാബ്, ഹരിയാന, യു.പി തുടങ്ങിയ സംസ്ഥാനങ്ങളിലും ഡൽഹിയിലെ സമരകേന്ദ്രങ്ങളിലുമെല്ലാം പുതിയ കാർഷിക നിയമങ്ങളുടെ പകർപ്പ് കത്തിച്ച് കർഷകർ പ്രതിഷേധിച്ചു. രാജ്യത്തെ ഇരുപതിനായിരത്തോളം കേന്ദ്രങ്ങളിൽ നിയമങ്ങളുടെ പകർപ്പുകൾ കത്തിച്ചുവെന്ന് കിസാൻ സംഘർഷ് കോ-ഓർഡിനേഷൻ കമ്മിറ്റി അറിയിച്ചു. പഞ്ചാബിൽ ആംആദ്മി പാർട്ടിയുടെ നേതൃത്വത്തിലും കാർഷികനിയമത്തിന്റെ പകർപ്പ് കത്തിക്കൽ നടന്നു.

കർഷക പ്രക്ഷോഭത്തിനിടെ രാജ്യവിരുദ്ധ മുദ്രാവാക്യം മുഴക്കുന്നവരുണ്ടെങ്കിൽ കേന്ദ്രസർക്കാർ അറസ്റ്റ് ചെയ്യണമെന്ന് ഭാരതീയ കിസാൻ യൂണിയൻ നേതാവ് രാകേഷ് ടിക്കായത്ത് പറഞ്ഞു. നിരോധിക്കപ്പെട്ട ട്രാക്ടർ ഉപയോഗിച്ച് തന്നെ ഡൽഹിയിൽ ട്രാക്ടർ റാലി നടത്തുമെന്നും അദ്ദേഹം പറഞ്ഞു.

കർഷക പ്രക്ഷോഭം ശക്തമായി തുടരവെ ഹരിയാനയിലെ ബി.ജെ.പിയുടെ സഖ്യകക്ഷി ജെ.ജെ.പിയുടെ നേതാവും ഉപമുഖ്യമന്ത്രിയുമായ ദുഷ്യന്ത് ചൗട്ടാല പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി.

ഇന്നലെ ഹരിയാന മുഖ്യമന്ത്രി മനോഹർലാൽ ഖട്ടറിനൊപ്പം ആഭ്യന്തരമന്ത്രി അമിത് ഷായെയും കണ്ടിരുന്നു. ബി.ജെ.പി സർക്കാരിൽ നിന്ന് പിന്മാറാൻ കർഷകർ ശക്തമായ സമ്മർദ്ദം ചെലുത്തുന്നതിനിടെയാണ് പ്രധാനമന്ത്രിയെ ദുഷ്യന്ത് ചൗട്ടാല കണ്ടത്. പ്രധാനമന്ത്രിയെ കണ്ടശേഷം കേന്ദ്രമന്ത്രി രവിശങ്കർ പ്രസാദുമായും കൂടിക്കാഴ്ച നടത്തി.

 ക​ർ​ഷ​ക​രെ​ ​ആ​രോ​ ​ഇ​ള​ക്കി​വി​ട്ട​ത്:​ ​ഹേ​മ​മാ​ലി​നി

കാ​ർ​ഷി​ക​ ​നി​യ​മ​ങ്ങ​ൾ​ക്കെ​തി​രെ​ ​ക​ർ​ഷ​ക​രെ​ ​ആ​രോ​ ​ഇ​ള​ക്കി​വി​ട്ടി​രി​ക്ക​യാ​മെ​ന്നും​ ​ക​ർ​ഷ​ക​ ​നി​യ​മ​ങ്ങ​ളി​ൽ​ ​എ​ന്തെ​ങ്കി​ലും​ ​പ്ര​ശ്ന​മു​ണ്ടോ​ ​എ​ന്ന് ​അ​വ​ർ​ക്ക് ​അ​റി​യി​ല്ലെ​ന്നും​ ​ബോ​ളി​വു​ഡ് ​ന​ടി​യും​ ​ബി.​ജെ.​പി​ ​എം.​പി​യു​മാ​യ​ ​ഹേ​മ​ ​മാ​ലി​നി.​
'നി​യ​മ​ങ്ങ​ൾ​ ​കോ​ട​തി​ ​സ്‌​റ്റേ​ ​ചെ​യ്ത​ത് ​ന​ന്നാ​യി.​ ​ഇ​ത് ​സ്ഥി​തി​ഗ​തി​ക​ൾ​ ​ശാ​ന്ത​മാ​ക്കും.​ ​ഇ​ത്ര​യ​ധി​കം​ ​ച​ർ​ച്ച​ക​ൾ​ ​ന​ട​ത്തി​യി​ട്ടും​ ​അ​ഭി​പ്രാ​യ​ ​സ​മ​ന്വ​യ​ത്തി​ലെ​ത്താ​ൻ​ ​ക​ർ​ഷ​ക​ർ​ ​ത​യ്യാ​റാ​യി​ട്ടി​ല്ല.​ ​കാ​ർ​ഷി​ക​ ​നി​യ​മ​ങ്ങ​ളു​ടെ​ ​പ്ര​ശ്ന​മെ​ന്താ​ണെ​ന്നും​ ​ത​ങ്ങ​ൾ​ക്ക് ​എ​ന്താ​ണ് ​വേ​ണ്ട​തെ​ന്നും​ ​ക​ർ​ഷ​ക​ർ​ക്ക് ​അ​റി​യി​ല്ല.​ ​ആ​രെ​ങ്കി​ലും​ ​ആ​വ​ശ്യ​പ്പെ​ട്ട​തി​നാ​ലാ​ണ് ​സമരം ​ചെ​യ്യുന്ന​തെ​ന്നാ​ണ് ​ഇ​തി​ന​ർ​ത്ഥ​മെ​ന്നും'​ ​അ​വ​ർ​ ​പ​റ​ഞ്ഞു.

 കേരളത്തിലെ കർഷകർ ഇന്നെത്തും

കർഷകപ്രക്ഷോഭത്തിൽ പങ്കെടുക്കാനായി കേരളത്തിൽ നിന്ന് പുറപ്പെട്ട കർഷകർ ഇന്ന് രാജസ്ഥാൻ അതിർത്തിയിലെ ഷാജഹാൻപൂരിലെ സമരകേന്ദ്രത്തിലെത്തും. തിങ്കളാഴ്ച കണ്ണൂരിൽ നിന്ന് റോഡുമാർഗമാണ് അഞ്ഞൂറോളം കർഷകർ യാത്ര പുറപ്പെട്ടത്. പുലർച്ചെ ജയ്‌പൂരിൽ എത്തുന്ന സംഘം അവിടെ നിന്ന് ഡൽഹി ഹൈവേയിലൂടെ ഷാജഹാൻപൂരിലേക്ക് തിരിക്കും. കിസാൻസഭ അഖിലേന്ത്യാ നേതാക്കളായ കെ.എൻ. ബാലഗോപാൽ, കെ.കെ. രാഗേഷ് എം.പി എന്നിവരും സംഘത്തോടൊപ്പം അണിനിരക്കും.