പെരുമ്പാവൂർ: കൊവിഡ് വ്യാപനസാഹചര്യം ഒഴിവാക്കാനായി കെ.എസ്.ഇ.ബിയുടെ സേവനം ഇനി വീടുകളിലേക്ക്. വൈദ്യുതി ചാർജ് അടയ്ക്കുന്നത് ഒഴികെയുള്ള സേവനങ്ങളാണ് വീടുകളിൽ എത്തി നിർവഹിക്കുന്നത്. പുതിയ കണക്ഷൻ, ഉടമസ്ഥാവകാശ മാറ്റം, മീറ്റർ ബോർഡ് മാറ്റി സ്ഥാപിക്കൽ, താരിഫ് മാറ്റം സംബന്ധിച്ച വിവരങ്ങൾ എന്നിവ ഉദ്യോഗസ്ഥൻ വീട്ടിൽ എത്തി നൽകും. ഓഫീസ് പ്രവൃ2ത്തി ദിവസങ്ങളിൽ 9496009094 എന്ന നമ്പറിൽ രാവിലെ 10 മുതൽ വൈകിട്ട് 5 വരെ വിളിക്കാം. എറണാകുളം ജില്ലയിൽ പരീക്ഷണാർത്ഥം നടപ്പിലാക്കുന്ന പദ്ധതിയുടെ ഉദ്ഘാടനം പെരുമ്പാവൂർ ഇലക്ട്രിക്കൽ സെക്ഷനിൽ ഡിസ്ട്രിബ്യൂഷൻ സെൻട്രൽ ചീഫ് എൻജിനിയർ ജെയിംസ് ഡേവിഡ് നിർവഹിച്ചു. എക്‌സിക്യുട്ടീവ് എൻജിനിയർ ബീവിബക്കർ അദ്ധ്യക്ഷത വഹിച്ചു. പെരുമ്പാവൂർ ഡെപ്യൂട്ടി ചീഫ് എൻജിനീയർ എസ്.ബി. സുരേഷ്‌കുമാർ, അസി. എക്‌സിക്യുട്ടീവ് എൻജിനിയർ കെ. മനോജ്, സെക്ഷൻ എൻജിനിയർ കെ.ജി. ബിജു എന്നിവർ പ്രസംഗിച്ചു.