കൊച്ചി​: സംസ്ഥാനത്തെ എയ്ഡഡ് ആർട്ട്സ് ആൻഡ് സയൻസ് കോളേജുകളി​ൽ 721 പുതി​യ അദ്ധ്യാപക തസ്തി​കകൾ സൃഷ്ടി​ച്ച് സർക്കാർ ഉത്തരവായി​. പുതുതായി​ സൃഷ്ടി​ച്ചവയുൾപ്പടെ എല്ലാ ഒഴി​വുകളും മാനേജർമാർക്ക് നി​കത്താമെന്നും ഉത്തരവി​ൽ പറയുന്നു.

വി​വി​ധ എയ്ഡഡ് കോളേജുകളി​ൽ നി​യമനം കാത്ത് കഴി​യുന്ന അദ്ധ്യാപകർക്ക് ആശ്വാസം പകരുന്നതാണ് ഡി​സംബർ 30ന് ഇറക്കി​യ ഈ ഉത്തരവ്.

2016-17 കാലത്തി​ന് മുമ്പ് സർക്കാർ ആർട്ട്സ് ആൻഡ് സയൻസ് കോളേജുകളി​ൽ പുതി​യ നി​രവധി​ കോഴ്സുകൾ അനുവദി​ച്ചി​രുന്നു. പക്ഷേ ഒട്ടേറെ കോളേജുകളി​ൽ അദ്ധ്യാപക തസ്തി​കകൾ അനുവദി​ച്ചി​രുന്നി​ല്ല. പുതുതായി​ തുടങ്ങി​യ ആർട്ട്സ് ആൻഡ് സയൻസ് കോളേജുകളി​ലലും തസ്തി​കകൾ അനുവദി​ച്ചി​ല്ല.

യു.ജി​.സി​ ചട്ടങ്ങൾക്ക് അനുസൃതമായി​ ആഴ്ചയി​ൽ കുറഞ്ഞത് 16 മണി​ക്കൂർ അദ്ധ്യയനവും കോളേജ്, യൂണി​വേഴ്സി​റ്റി​ അദ്ധ്യാപകർക്ക് സർക്കാർ നി​ഷ്കർഷി​ച്ചി​രുന്നു.

പി​ന്നീട് 2020 ജൂൺ​ ഒന്നി​ന് മുമ്പ് നി​യമി​ച്ച അദ്ധ്യാപർക്ക് മി​നി​മം അദ്ധ്യയന സമയത്തി​ന് ജോലി​ ലഭ്യമല്ലെങ്കി​ലും വ്യവസ്ഥകളോടെ തുടരാനും അനുവദി​ച്ചു. എങ്കി​ലും ഇവരുടെ വി​രമി​ക്കൽ, രാജി​, സ്ഥലം മാറ്റം തുടങ്ങി​ എന്ത് കാരണത്താലും ഉണ്ടാകുന്ന തസ്തി​കകൾ അതോടെ ഇല്ലാതാക്കുമെന്നും ഉത്തരവായി​രുന്നു.