നെടുമ്പാശേരി: കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്തുവാൻ ശ്രമിച്ച 900 ഗ്രാം സ്വർണ്ണ മിശ്രിതം കസ്റ്റംസ് പിടികൂടി. ഇന്നലെ ഷാർജയിൽ നിന്നും കൊച്ചിയിലെത്തിയ എയർ അറേബ്യ വിമാനത്തിലെ യാത്രക്കാരൻ ആലപ്പുഴ സ്വദേശി ഇസ്മായിൽ എന്നയാളിൽ നിന്നാണ് ശരീരത്തിനുള്ളിൽ ഒളിപ്പിച്ച നിലയിൽ കസ്റ്റംസ് എയർ ഇന്റലിജൻസ് വിഭാഗം സ്വർണ്ണം പിടികൂടിയത്.

പിടികൂടിയ സ്വർണത്തിന് ഇന്ത്യൻ മാർക്കറ്റിൽ ഏകദേശം 40 ലക്ഷം രൂപയോളം വിലയുണ്ട്. പരിശോധനകൾ പൂർത്തീകരിച്ച് യാത്രക്കാരൻ പുറത്തേയ്ക്ക്ക്ക് കടക്കുവാൻ ശ്രമിക്കുന്നതിനിടെ പെരുമാറ്റത്തിൽ സംശയം തോന്നിയതിനെ തുടർന്ന് മാറ്റി നിറുത്തി വിശദമായി പരിശോധിച്ചപ്പോഴാണ് സ്വർണ്ണ മിശ്രിതം കണ്ടെത്തിയത്.

.