കോലഞ്ചേരി: സ്‌കൂൾ, കോളേജ് ക്ലാസുകൾ ആരംഭിച്ച സാഹചര്യത്തിൽ നാളെ മുതൽകെ.എസ്.ആർ.ടി.സി യൂണി​റ്റുകളിൽ കൺസഷൻ കൗണ്ടറുകൾ തുറന്ന് പ്രവർത്തനം ആരംഭിക്കും. സർക്കാർ ഉത്തരവ് പ്രകാരം അദ്ധ്യയനം ആരംഭിച്ചിട്ടുള്ള 10, 12 ക്ലാസുകളിലെ വിദ്യാർത്ഥികൾക്കും അവസാന വർഷ ബിരുദ ബിരുദാനന്തര വിദ്യാർത്ഥികൾക്കും നിലവിലെ നിയമ പ്രകാരം കൺസെഷൻ അനുവദിക്കും. സെൽഫ് ഫിനാൻസിങ്, പ്രൈവ​റ്റ് വിദ്യാലയങ്ങളിലെ വിദ്യാർത്ഥികൾക്ക് മുൻ വർഷങ്ങളിലെ പോലെ ചീഫ് ഓഫീസ് അനുമതി ലഭിക്കുന്ന മുറയ്ക്കും കൺസഷൻ ടിക്ക​റ്റുകൾ വിതരണം ചെയ്യുന്നതാണ്.