തൃക്കാക്കര : ഡയാലിസിസ് രോഗികൾക്ക് കൈത്താങ്ങാവുകയാണ് തൃക്കാക്കര നഗരസഭ. കാക്കനാട് പ്രാഥമികാരോഗ്യ കേന്ദ്രത്തിന്റെ പുതിയ ബ്ലോക്കിൽ 1.25 കോടി രൂപ ചിലവഴിച്ച് പുതിയ ഡയാലി​സി​സ് യൂണിറ്റ് ആരംഭിക്കാൻ നഗരസഭ ചെയർപേഴ്സൻ അജിത തങ്കപ്പന്റെ അദ്ധ്യക്ഷതയിൽ ചേർന്ന പ്രഥമ കൗൺസിൽ യോഗ ഐക്യകണ്ഠേന തീരുമാനിച്ചു. പി.ടി.തോമസ് എം.എൽ.എ.യുടെ പ്രാദേശിക വികസന ഫണ്ടിൽ നിന്നാണ് തുക അനുവദിക്കുന്നത്.

രോഗി​കളുടെ സുരക്ഷയ്ക്ക് ഡയാലിസിസ് കേന്ദ്രത്തോടൊപ്പം കാർഡിയോളജി വിഭാഗം ആരംഭി​ക്കണമെന്ന്

എൽ.ഡി.എഫ് കൗൺസിലർമാരായ ചന്ദ്രബാബുവും ജി​ജോ ചി​ങ്ങംതറയും ആവശ്യപ്പെട്ടു. നിർധന രോഗികൾക്ക് ഡയാലിസിസ് സൗജന്യമാക്കണമെന്ന് ഷാജി വാഴക്കാല ആവശ്യപ്പെട്ടു.
തൃക്കാക്കരയിൽ കുടിവെളള പ്രശനം നേരിടുന്ന പ്രദേശങ്ങളിൽ എം.ജെ ഡിക്‌സൺ, റാഷിദ് ഉള്ളമ്പിള്ളി, നൗഷാദ് പല്ലച്ചി തുടങ്ങി​യവർ സംസാരി​ച്ചു.

വഴിവിളക്കുകൾ കത്തുന്നില്ല

തൃക്കാക്കര നഗരസഭയിലെ ഒരു വാർഡിലും വഴിവിളക്കുകൾ കത്തുന്നില്ലെന്ന് കൗൺസിലർമാർ ഒന്നടങ്കം സഭയിൽ പറഞ്ഞു. കരാറുകാരനെ വിളിച്ചാൽ ഫോൺ എടുക്കാത്ത അവസ്ഥയാണുള്ളതെന്നും അവർ ചൂണ്ടിക്കാട്ടി