കൊച്ചി: നയതന്ത്ര ചാനലിലൂടെയുള്ള ഡോളർ കടത്തു കേസിൽ നിയമസഭാ സ്‌പീക്കർ പി. ശ്രീരാമകൃഷ്‌ണന്റെ അസി. പ്രൈവറ്റ് സെക്രട്ടറി കെ. അയ്യപ്പനോട് ഇന്ന് ചോദ്യംചെയ്യലിന് ഹാജരാകാൻ കസ്റ്റംസ് പ്രിവന്റീവ് വിഭാഗം നോട്ടിസ് നൽകി. കൊച്ചി ഓഫീസിൽ രാവിലെ പത്തു മണിക്ക് ഹാജരാകണം. അസി. പ്രൊട്ടോകോൾ ഓഫീസർ ജി. ഹരികൃഷ്‌ണനെയും ഇന്ന് ചോദ്യം ചെയ്യും. സ്‌പീക്കർക്കെതിരെ സ്വപ്‌നയും സരിത്തും രഹസ്യമൊഴി നൽകിയെന്നാണ് സൂചന. ഡോളർ കടത്തു കേസിൽ സ്പീക്കറെ കസ്റ്റംസ് ചോദ്യം ചെയ്യുമെന്ന് കഴിഞ്ഞ ദിവസം റിപ്പോർട്ടുകൾ പുറത്തുവന്നിരുന്നു.