മൂവാറ്റുപുഴ: മൂവാറ്റുപുഴ-കാക്കനാട് റോഡില്‍ വാഴപ്പിള്ളി മുതല്‍ വീട്ടൂര്‍ വരെയുള്ള നാല് കിലോമീറ്റര്‍ റോഡില്‍ ടാറിംഗ് നടക്കുന്നതിനാല്‍ ഈ മാസം എട്ട് മുതല്‍ 17 വരെ ഗതാഗത നിയന്ത്രണം ഏര്‍പ്പെടുത്തും. മൂവാറ്റുപുഴ ഭാഗത്ത് നിന്നും പട്ടിമറ്റം-കാക്കനാട് ഭാഗത്തേയ്ക്ക് പോകേണ്ട ചെറുവാഹനങ്ങള്‍ എം.സി റോഡില്‍ പേഴയ്ക്കാപ്പിള്ളിയില്‍ നിന്നും തിരിഞ്ഞ് വീട്ടൂര്‍ എത്തിയും വലിയ വാഹനങ്ങള്‍ എം.സി.റോഡില്‍ തൃക്കളത്തൂര്‍ പള്ളിത്താഴത്ത് നിന്നും തിരിഞ്ഞ് വീട്ടൂര്‍ എത്തിയും കാക്കനാട് റോഡില്‍ പ്രവേശിച്ച് പോകേണ്ടതാണ്. തിരിച്ച് കാക്കനാട് ഭാഗത്ത് നിന്നും മൂവാറ്റുപുഴയ്ക്കുള്ള വാഹനങ്ങളും ഇതേ ക്രമീകരണത്തിലൂടെ പോകണമെന്ന് മൂവാറ്റുപുഴ റവന്യൂ ഡിവിഷണല്‍ ഓഫീസര്‍ അറിയിച്ചു.