കൊച്ചി: ഇന്റഗ്രേറ്റഡ് ഹെൽത്ത് ആൻഡ് വെൽ ബീയിംഗ് (ഐ.എച്ച്.ഡബ്ല്യു) കൗൺസിലി​ന്റെ ഇന്ത്യ ഹെൽത്ത് ആൻഡ് വെൽനസ് അവാർഡുകളിൽ ആസ്റ്റർ ഡി.എം ഹെൽത്ത്‌കെയർ ലിമിറ്റഡ് നാല് അംഗീകാരങ്ങൾ നേടി. കേന്ദ്ര സാമൂഹ്യ നീതി സഹമന്ത്രി​ രാംദാസ് അത്തവാലെ അവാർഡുകൾ സമ്മാനിച്ചു.

കോവിഡ് പ്രൊട്ടക്ഷൻ പ്രോജക്ടിൽ 'സിൽവർ' അവാർഡ് ആസ്റ്റർ ഡിഎം ഹെൽത്ത്‌കെയർ ലിമിറ്റഡിനും ഹോം ഹെൽത്ത് കെയർ ബ്രാൻഡ് വിഭാഗത്തിൽ ആസ്റ്റർ@ഹോമിനും അവാർഡുകൾ ലഭിച്ചു. ഹെൽത്ത് ഇന്നൊവേഷൻ വിഭാഗത്തിൽ 'ബ്രോൺസ്' അവാർഡും നേടി. കോട്ടക്കലിലെ ആസ്റ്റർ മിംസിന് സിൽവർ അവാർഡും ലഭിച്ചു. ആസാദ് മൂപ്പൻ സ്ഥാപി​ച്ച ആസ്റ്റർ ഡിഎമ്മിന്റെ ആശുപത്രികൾ ഇന്ത്യയിലും മറ്റ് 7 രാജ്യങ്ങളിലും പ്രവർത്തിക്കുന്നുണ്ട്.