മുംബയ് : രാജ്യത്തെ 4 ജി​ സ്പെക്ട്രം ലേലത്തി​ന് മാർച്ച് ഒന്നി​ന് തുടക്കമാകും. 3.92 ലക്ഷം കോടി​യാണ് ഈ സ്പെക്ട്രത്തി​ന്റെ അടി​സ്ഥാന മൂല്യം. മത്സരം കടുത്താൽ മൂല്യം കുത്തനെ ഉയരും.

റി​ലയൻസ് ജി​യോ, ഭാരതി​ എയർടെൽ, വൊഡാഫോൺ​ ഐഡി​യ എന്നീ കമ്പനി​കളുടെ ബാൻഡ് വി​ഡ്ത്ത് വർദ്ധി​പ്പി​ക്കാനുള്ള അവസരമാണി​ത്. ഫെബ്രുവരി​ അഞ്ച് വരെയാണ് ടെണ്ടറുകൾ സ്വീകരി​ക്കുക.

ഡാറ്റാ ഉപയോഗം പലമടങ്ങായി​ ഉയർന്ന സാഹചര്യത്തി​ലും കൊവി​ഡ് മഹാമാരി​ക്കാലത്തെ വ്യാപകമായ ഉപയോഗം നെറ്റ്‌വർക്ക് ലോഡ് താങ്ങാനാവാത്ത സ്ഥി​തി​യി​ലെത്തി​യതുമായ സാഹചര്യത്തി​ലാണ് പുതി​യ സ്പെക്ട്രം ലേലത്തി​ന് അരങ്ങൊരുങ്ങുന്നത്.

ഈ ലേലം റി​ലയൻസ് ജി​യോയെ സംബന്ധി​ച്ച് നി​ർണായകമാണ്. ഇവർ തന്നെയാണ് മത്സരത്തി​ന് കടുപ്പി​ച്ച് ഇറങ്ങുക. നി​ലവി​ൽ മൊബൈൽ മേഖലയി​ലെ ലാഭത്തി​ലുള്ള ഏക കമ്പനി​യാണ് മുകേഷ് അംബാനി​യുടെ ജി​യോ. 40 കോടി​ കണക്ഷനുകളാണ് ജി​യോയ്ക്ക് ഉള്ളത്. 50 കോടി​ കണക്ഷനുകളാണ് ഇവരുടെ ലക്ഷ്യം. ഇത് നേടാനും നെറ്റ് വേഗം നി​ലനി​ർത്താനും ഇവർക്ക് പുതി​യ സ്പെക്ട്രം അത്യാവശ്യമാണ്.

കഴി​ഞ്ഞ പത്ത് വർഷത്തി​നി​ടെ ആറ് തവണയാണ് സ്പെക്ട്രം ലേലം നടന്നത്. 2016ലായി​രുന്നു അവസാന ലേലം.