മൂവാറ്റുപുഴ: മുളവൂർ വിജ്ഞാന പോഷിണി ഗ്രന്ഥശാലയുടെ ആഭിമുഖ്യത്തിൽ മുളവൂർ പ്രദേശത്ത് നിന്നും തദ്ദേശ സ്വയംഭരണ സ്ഥാപനങ്ങളിലേയ്ക്ക് പുതുതായി തിരഞ്ഞെടുക്കപ്പെട്ട മുളവൂർ ഡിവിഷൻ ബ്ലോക്ക് പഞ്ചായത്ത് മെമ്പർ ഒ.കെ.മുഹമ്മദിനും നാലാം വാർഡ് മെമ്പർ ഇ.എം.ഷാജിക്കും അഞ്ചാം വാർഡ് മെമ്പർ എം.എസ്. അലിക്കും ആറാം വാർഡ് മെമ്പർ ബെസ്സി എൽദോസിനും ഏഴാം വാർഡ് മെമ്പർ പി.എം.അസീസിനും തിങ്കളാഴ്ച വൈകിട്ട് 5.30ന് ലൈബ്രറി ഹാളിൽ വച്ച് സ്വീകരണം നൽകും. ലൈബ്രറി പ്രസിഡന്റ് ഒ.പി.കുര്യാക്കോസിന്റെ അദ്ധ്യക്ഷത വഹിക്കും . സ്വീകരണ സമ്മേളനം താലൂക്ക് ലൈബ്രറി കൗൺസിൽ പ്രസിഡന്റ് ജോഷി സ്‌കറിയ ഉദ്ഘാടനം ചെയ്യും. താലൂക്ക് ലൈബ്രറി കൗൺസിൽ സെക്രട്ടറി സി.കെ.ഉണ്ണി മുഖ്യപ്രഭാഷണം നടത്തും.