പെരുമ്പാവൂർ: ഒക്കൽ ബ്രാഞ്ച് കനാലിന്റെ വശങ്ങൾ കെട്ടി സ്ളാബിട്ട് സംരക്ഷിക്കുന്ന പ്രവൃത്തിയുടെ ഉദ്ഘാടനം എൽദോസ് കുന്നപ്പിള്ളി എം.എൽ.എ നിർവഹിച്ചു. കഴിഞ്ഞ വർഷത്തെ ആസ്തി വികസന ഫണ്ടിൽ നിന്നും 40 ലക്ഷം രൂപ അനുവദിച്ചാണ് നിർമ്മാണം പൂർത്തിയാക്കിയത്. ഒക്കൽ ബ്രാഞ്ച് കനാലിന്റെ ആറാം കിലോമീറ്റർ ഭാഗത്താണ് സൈഡ് കെട്ടി സംരക്ഷണം. 60 മീറ്റർ ദൈർഘ്യത്തിലാണ് പദ്ധതി നടപ്പിലാക്കുന്നത്. ഒക്കൽ പഞ്ചായത്തിലെ പതിനൊന്നാം വാർഡിലാണ് പദ്ധതി. ഗ്രാമപഞ്ചായത്ത് പ്രസിഡന്റ് മനോജ് തോട്ടപ്പിള്ളി അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ബേസിൽ പോൾ, ജില്ലാ പഞ്ചായത്ത് അംഗം ശാരദ മോഹൻ, വൈസ് പ്രസിഡന്റ് സിന്ധു, ബ്ലോക്ക് പഞ്ചായത്ത് അംഗം സി.ജെ ബാബു, ലിസി ജോണി, രജേഷ് മാധവൻ, മിനി സാജൻ, മിഥുൻ ടി.എൻ തുടങ്ങിയവർ സംസാരിച്ചു.