കോലഞ്ചേരി: കേരളത്തിൽ നഷ്ടപ്പെട്ടുപോയ കാർഷിക വിളകൾക്ക് പുതുജീവൻ പകരുകയെന്ന ലക്ഷ്യത്തോടെ വേൾഡ് ചാരിറ്റി മിഷന്റെ ദുരന്ത നിവാരണ സേനയായ 'ലീഗിനേഴ്‌സിന്റെ' നേതൃത്വത്തിൽ നാല് ഏക്കറോളം സ്ഥലത്ത് എള്ള് കൃഷി ആരംഭിച്ചു. പുത്തൻകുരിശിനടുത്ത് മാനാന്തടത്താണ് വിപുലമായ രീതിയിൽ എള്ള് കൃഷിക്ക് തുടക്കമിട്ടത്. തിരുവാണിയൂർ പഞ്ചായത്ത് പ്രസിഡന്റ് സി.ആർ പ്രകാശ് ഉദ്ഘാടനം ചെയ്തു. വേൾഡ് ചാരിറ്റി മിഷൻ പ്രസിഡന്റ് എ.പി. മത്തായി അദ്ധ്യക്ഷനായി. ജോർജ് കുര്യൻ, അഡ്വ.കെ.സി. പൗലോസ്, പുത്തൻകുരിശ് പഞ്ചായത്തംഗം മഞ്ജു വിജയധരൻ, വേൾഡ് ചാരിറ്റി മിഷൻ ഡയറക്ടർ സാബു പീറ്റർ, ലാലു തോമസ്, മനോജ് കാരക്കാട്ട്, ഡോൺ എബ്രഹാം, പരമേശ്വരൻ നമ്പൂതിരി, ഏലിയാസ് അമ്പാട്ടുമാലാൽ, ജോയ് ആലുങ്കപടവിൽ, ജോഷി സേവ്യർ, വിവേക് കണ്ണൂരാൻ, കെ.എം. അവറാച്ചൻ തുടങ്ങിയവർ നേതൃത്വം നല്കി.