പറവൂർ: എറണാകുളം - അങ്കമാലി അതിരൂപതാ സാമൂഹ്യ പ്രവർത്തന വിഭാഗമായ സഹൃദയയുടെ നേതൃത്വത്തിൽ ഭിന്നശേഷിക്കാരുടെ ക്ഷേമത്തിനായി നടപ്പാക്കി വരുന്ന സഹൃദയ സ്പർശൻ സാമൂഹ്യാധിഷ്ഠിത പുനരധിവാസ പദ്ധതിയുടെ ഭാഗമായി അഞ്ചു പഞ്ചായത്തുകളിൽ നിന്നുള്ള ഭിന്നശേഷിക്കാരുടെ സ്വയം സഹായ സംഘങ്ങൾക്കായി നേതൃപരിശീലന പരിപാടി സംഘടിപ്പിച്ചു. പറവൂർ നഗരസഭ ചെയർപേഴ്സൺ വി.എ. പ്രഭാവതി ഉദ്ഘാടനം ചെയ്തു. സഹൃദയ ഡയറക്ടർ ഫാ. ജോസ് കൊളുത്തുവെള്ളിൽ അദ്ധ്യക്ഷത വഹിച്ചു. പറവൂർ ലക്ഷ്മി കോളേജ് പ്രിൻസിപ്പൽ ജോസ് മഴുവഞ്ചേരി സെമിനാറിന് നേതൃത്വം നൽകി. നഗരസഭാ കൗൺസിലർ ഗീത ബാബു, സഹൃദയ കോ ഓർഡിനേറ്റർമാരായ ഷേർളി അവറാച്ചൻ, അനന്തു ഷാജി, സഹൃദയ സ്പർശൻ ഫെഡറേഷൻ ട്രഷറർ ജെസി ഉറുമീസ്, അനുപമ വേണു എന്നിവർ പങ്കെടുത്തു.