പറവൂർ: പറവൂർ ബോയ്സ് ഹയർ സെക്കൻഡറി സ്കൂളിൽ എം.എൽ.എയുടെ ആസ്തി വികസന സ്കീമിൽ നിന്നും 145 ലക്ഷം രൂപ ഉപയോഗിച്ച് നിർമ്മിച്ച പുതിയ മന്ദിരത്തിന്റെ ഉദ്ഘാടനം വി.ഡി. സതീശൻ എം.എൽ.എ നിർവഹിച്ചു. നഗരസഭ ചെയർപേഴ്സൺ വി.എ. പ്രഭാവതി അദ്ധ്യക്ഷത വഹിക്കും. വൈസ് ചെയർമാൻ എം.ജെ. രാജു, കൗൺസിലർമാരായ അനു വട്ടത്തറ, കെ.ജെ. ഷൈൻ, ഡി. രാജ്കുമാർ, ബീന ശശീധരൻ, ശ്യാമള ഗോവിന്ദൻ, ഇ.ജി. ശശീ, ഹയർ സെക്കൻഡറി പ്രിൻസിപ്പൽ ബി.എസ്. ജിജഭായ്, ഹെഡ്മിസ്ട്രസ് എ.എസ്. സിനി, പി.ടി.എ പ്രസിഡന്റ് വി.പി. ഡെന്നി തുടങ്ങിയവർ പങ്കെടുത്തു. 742 ചതുരശ്ര മീറ്റർ ആർ.സി.സി പ്രെയിംസ് സ്ട്രക്ചറോടുകൂടിയ കെട്ടിടത്തിൽ ഹയർ സെക്കൻഡറി വിഭാഗത്തിനു അഞ്ചും ഹൈസ്കൂൾ വിഭാഗത്തിന് നാലും ഒരു സ്റ്റാഫ് മുറിയും സ്റ്റെയർ മുറിയുമുണ്ട്. പൊതുമരാമത്ത് വകുപ്പിന്റെ കെട്ടിട വിഭാഗമാണ് നിർമ്മിച്ചത്.