ആലുവ: യു.സി കോളേജ് വല്യപ്പൻപ്പടിയിൽ ബൈക്കുകൾ തമ്മിൽ കൂട്ടിയിടിച്ച് യുവാവ് മരിച്ചു. ആലുവ തോട്ടയ്ക്കാട്ടുകര ശിവക്ഷേത്രത്തിന് സമീപം സചിന്ദ്രപുരം വീട്ടിൽ പരേതനായ കേശവൻനായരുടെ മകൻ ജയമോഹനാണ് (48) മരിച്ചത്. ഇന്നലെ വൈകിട്ട് 3.45ഓടെയായിരുന്നു അപകടം. ഉടനെ ആലുവ നജാത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൂട്ടിയിടിച്ച ബൈക്കിൽ സഞ്ചരിച്ചിരുന്ന വെളിയത്തുനാട് സ്വദേശി മുഹമ്മദ് ഹംദാൻ, കൊങ്ങോർപ്പിള്ളി സ്വദേശി കൃഷ്ണപ്രസാദ് എന്നിവർക്കും പരിക്കേറ്റു. ഇരുവരെയും ആശുപത്രിയിൽ പ്രവേശിപ്പിച്ചു.

ജയമോഹൻ ഇന്ത്യൻ എക്സ്‌പ്രസിൽ ഫൈനാൻസ് വിഭാഗം ജീവനക്കാരനാണ്. മൃതദേഹം ഇന്ന് ആലുവ ജില്ലാ ആശുപത്രിയിൽ പോസ്റ്റ്മാർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. മാതാവ്: പരേതയായ ചന്ദ്രികാദേവി. ഭാര്യ: സുപ്രിയ കോയമ്പത്തൂരിൽ കോട്ടക്കൽ ആര്യവൈദ്യശാല ജീവനക്കാരിയാണ്. ലക്ഷ്മി ഗൗരി നായർഏക മകളാണ്.