കോലഞ്ചേരി: ദേശീയ വിദ്യാഭ്യാസനയം തള്ളിക്കളയുക എന്ന മുദ്റാവാക്യമുയർത്തി കെ.എസ്.ടി.എ ഉപജില്ലാ കമ്മിറ്റി കോലഞ്ചേരിയിൽ പ്രതിരോധസംഗമം സംഘടിപ്പിച്ചു. കെ.എസ്.കെ.ടി.യു സംസ്ഥാന കമ്മിറ്റിഅംഗം സി.കെ. വർഗീസ് ഉദ്ഘാടനം ചെയ്തു. കെ.എസ്.ടി.എ സംസ്ഥാന കമ്മിറ്റിഅംഗം അജി നാരായണൻ വിഷയാവതരണം നടത്തി. ജില്ലാ വൈസ് പ്രസിഡന്റ് ഡാൽമിയ തങ്കപ്പൻ, ജില്ലാ എക്‌സി.അംഗം ടി.പി. പത്രോസ്, ടി. രമാഭായി, അനിൽ ടി.ജോൺ, പി.ജി. ശ്യാമളവർണൻ, കെ.എം. മേരി, എം. അജയകുമാർ എന്നിവർ സംസാരിച്ചു.