കൊച്ചി: ഐ.എഫ്.എഫ്.കെ സംഘാടക സമിതി രൂപീകരിച്ചു. സംഘാടക സമിതി യോഗം എറണാകുളം ടൗൺ ഹാളിൽ മേയർ അഡ്വ. എം. അനിൽ കുമാർ ഉദ്ഘാടനം ചെയ്തു. കൊച്ചി പ്രോഗ്രാം കമ്മിറ്റി ചെയർമാനായി സുന്ദർദാസിനെയും വൈസ് ചെയർമാനായി എ.കെ സാജനെയും കൺവീനറായി ഷിബു ചക്രവർത്തിയെയും തെരഞ്ഞെടുത്തു. മീഡിയ കമ്മിറ്റിയുടെ ചെയർമാനായി മീഡിയ അക്കാദമി ചെയർമാൻ ആർ. എസ്. ബാബുവിനെയും ജനറൽ കൺവീനറായി പി. ആർ. ഡി ഡയറക്ടർ ഹരികിഷോറിനെയും ടെക്നിക്കൽ ആൻഡ് തീയേറ്റർ കമ്മിറ്റി ചെയർമാനായി ജോഷിയെയും ജനറൽ കൺവീനറായി കെ.എസ്. സി.എ ജനറൽ കൗൺസിൽ മെമ്പർ സണ്ണി ജോസഫിനെയും തിരഞ്ഞെടുത്തു . ഡെലിഗേറ്റ് സെൽ കമ്മറ്റി കോ ഓർഡിനേറ്റിംഗ് ചെയർമാൻ വി.കെ. ജോസഫ് കോ ഓർഡിനേറ്റിംഗ് ജനറൽ കൺവീനർമാർ മധു ജനാർദ്ദന ഇസ്മായിൽ ഹസൻ. ഹോസ്പിറ്റാലിറ്റി ആൻഡ് റിസപ്ഷൻ കമ്മിറ്റി ചെയർമാൻ ബി. ഉണ്ണികൃഷ്ണൻ. ജനറൽ കൺവീനർ പ്രൊഡൂസേഴ്സ് അസോസിയേഷൻ സെക്രട്ടറി ആന്റോ ജോസഫ്. ഓൺലൈൻ കോർഡിനേഷൻ ആൻഡ് പ്രമോഷൻ കമ്മിറ്റി ചെയർമാൻ ഫിലിം ഡയറക്ടർ ടി. കെ. രാജീവ് കുമാർ. ജനറൽ കൺവീനർ ബേബി മാത്യു സോമതീരം. വോളന്റിയർ കമ്മിറ്റി ചെയർമാൻ സി.കെ. മണിശങ്കർ. വൈസ് ചെയർമാൻ അഡ്വ. അരുൺകുമാർ. ചലച്ചിത്ര അക്കാദമി ചെയർമാൻ കമൽ അദ്ധ്യക്ഷത വഹിച്ചു . എം. എൽ. എ മാരായ ടി ജെ വിനോദ് , പി. ടി. തോമസ് , ഡെപ്യൂട്ടി മേയർ കെ.എ. അൻസിയ, ഐ.എഫ്.എഫ്.കെ ആർട്ടിസ്റ്റിക് ഡയറക്ടർ ബീന പോൾ ഫെസ്റ്റിവൽ വിശദീകരണം നടത്തി . ചലച്ചിത്ര അക്കാദമി സെക്രട്ടറി സി. അജോയ് , ഇ.സി. മെമ്പർ സിബി മലയിൽ , ഫെസ്റ്റിവൽ ഡെപ്യൂട്ടി ഡയറക്ടർ എച്ച്. ഷാജി തുടങ്ങിവയർ പങ്കെടുത്തു .