കൊച്ചി: എറണാകുളം അങ്കമാലി അതിരൂപതയുടെ സാമൂഹ്യപ്രവർത്തന വിഭാഗമായ സഹൃദയ, ഉഷ ഇന്റർനാഷണലിന്റെ സഹകരണത്തോടെ പത്ത് വനിതകൾക്കായി ഒമ്പത് ദിവസത്തെ സൗജന്യ തയ്യൽ പരിശീലനം സംഘടിപ്പിച്ചു. പൊന്നുരുന്നി സഹൃദയ ഓഫീസിൽ നടത്തിയ സമാപന ചടങ്ങിൽ തയ്യൽ പരിശീലനം പൂർത്തിയാക്കിയവർക്ക് സഹൃദയ ഡയറക്ടർ ഫാ. ജോസഫ് കൊളുത്തുവെള്ളിൽ സർട്ടിഫിക്കറ്റുകൾ വിതരണം ചെയ്തു. പരിശീലനത്തിന്റെ ഭാഗമായി ഓരോരുത്തർക്കും സൗജന്യമായി നൽകുന്ന തയ്യൽ മെഷീനുകളുടെയും , ടൂൾ കിറ്റുകളുടെയും , സൈൻ ബോർഡുകളുടെയും വിതരണം , ഉഷ ഇന്റർനാഷണലിന്റെ സൗത്ത് ഇന്ത്യൻ റീജണൽ മാനേജർ വടിവേലൻ പെരുമാൾ നിർവഹിച്ചു.