മൂവാറ്റുപുഴ: കൊവിഡ് പ്രതിരോധ പ്രവർത്തനങ്ങൾക്കായി മൂവാറ്റുപുഴ ജനറൽ ആശുപുത്രിയിൽ 19.5 ലക്ഷം രൂപയുടെ മെഡിക്കൽ ഉപകരണങ്ങൾ കൈമാറി. ഡീൻ കുര്യാക്കോസ്. എം.പിയുടെ 2019-20 വർഷത്തെ പ്രാദേശിക വികസന ഫണ്ട് (എം.പി.എൽ.എ.ഡി.എസ് )ചിലവഴിച്ചാണ് ഉപകരണങ്ങൾ വാങ്ങിയത്. കൊവിഡ് 19 വൈറസ് വ്യാപകമായിക്കൊണ്ടിരിക്കുന്ന സാഹചര്യത്തിൽ എറണാകുളം ജില്ലാകളക്ടറുടെ ആവശ്യപ്രകാരം അടിയന്തരമായി ഫണ്ട് അനുവദിക്കുകയായിരുന്നു. വെന്റിലേറ്റർ ഉൾപ്പെടെയുള്ള ഉപകരങ്ങളുടെ ലഭ്യതയില്ലായ്മയും മറ്റു സാങ്കേതിക കാരണങ്ങളും ഉപകരങ്ങൾ എത്തിച്ചേരാൻ വൈകിയിരുന്നു. വെൻറിലേറ്റർ ഐ.സി.യു 9.76 ലക്ഷം, ഐ.സി.യു ബെഡ് 3 x4.49 ലക്ഷം, പോർട്ടബിൾ എക്സ് റേ മെഷീൻ - 2.91 ലക്ഷം, ഓക്സിജൻ സപ്ലേ,സിലിണ്ടർ,ട്രോളി 25 എണ്ണം -2.40 ലക്ഷം എന്നീ തുകക്കുള്ള ഉപകരണങ്ങളാണ് കൈമാറിയത്. ഡീൻ കുര്യാക്കോസ് എം.പിയിൽ നിന്ന് ആശുപത്രി സൂപ്രണ്ട് ഡോ.ആശ വിജയൻ ഉപകരണങ്ങൾ ഏറ്റുവാങ്ങി.. മൂവാറ്റുപുഴ മുനിസിപ്പൽ ചെയർമാൻ പി.പി.എൽദോസ് അദ്ധ്യക്ഷത വഹിച്ചു. സ്റ്റാർഡിംഗ് കമ്മിറ്റി ചെയർമാൻമാരായ പി.എ അബ്ദുൽ സലാം, ജോസ് കുര്യാക്കോസ്, അജി മുണ്ടാട്ട നിസ അഷറഫ്. എൻ എച്.എം പ്രോഗ്രാം മാനേജർ മാത്യൂസ് നമ്പലിൽ, ആർ.എം.ഒ ഡോ. എൻ പി ധന്യ, അഡ്വ.എൻ രമേശ്, കെ എ നവാസ്, മുനിസിപ്പൽ വൈസ് ചെയർപേഴ്സൻ സിനി ബിജു, മറ്റ് ജന പ്രതിനിധികളായ കെ.ജി.അനിൽകുമാർ, ജോയ്സ് മേരി ആന്റണി, സെബി കെ സണ്ണി,ഫൗസിയ അലി, ലൈല ഹനീഫ, സുധ രഘുനാഥ്‌, ജിനു ആന്റണി,ജോളി എം, അസം ബീഗം, പ്രമീള ഗിരീഷ് കുമാർ, ജഫാർ സാദിഖ്, മീര കൃഷ്ണൻ എന്നിവർ സംസാരിച്ചു.