മൂവാറ്റുപുഴ: പേഴയ്ക്കാപ്പിള്ളി ആസാദ് പബ്ലിക് ലൈബ്രറിയുടെ ആഭിമുഖ്യത്തിൽ സംഘടിപ്പിച്ച പ്രതിഭ സംഗമത്തിൽ റാങ്ക് ജേതാക്കളേയും എസ്.എസ്.എൽ.സി , പ്ലസ് ടു പരീക്ഷകളിൽ ഉന്നത വിജയം നേടിയവരേയും അവാർഡ് നൽകി ആദരിച്ചു. പായിപ്ര ഗ്രാമ പഞ്ചായത്ത് പ്രസിഡന്റ് മാത്യൂസ് വർക്കി പ്രതിഭ സംഗമം ഉദ്ഘാടനം ചെയ്തു. ലൈബ്രറി പ്രസിഡന്റ് ഫൈസൽ മുണ്ടങ്ങാമറ്റം അദ്ധ്യക്ഷത വഹിച്ചു. താലൂക്ക് ലൈബ്രറികൗൺസിൽ സെക്രട്ടറി സി.കെ. ഉണ്ണി അവാർഡ് ദാനം നടത്തി.പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയമാൻ വി.ഇ.നാസ്സർ, ബ്ലോക്ക് പഞ്ചായത്ത് മെമ്പർ റീന സജി, വാർഡ് മെമ്പർ ഷാഫി മുതിരക്കാലായിൽ , അക്ഷര ലൈബ്രറി സെക്രട്ടറി വി.എച്ച്. ഷെഫീക്ക്, മുൻ പഞ്ചായത്ത് പ്രസിഡന്റ് പായിപ്ര കൃഷ്ണൻ, ആസാദ് ലൈബ്രറി സെക്രട്ടറി ടി.ആർ.ഷാജു, ഫോർവേർഡ് ലൈബ്രറി സെക്രട്ടറി സിനാജ് , താലൂക്ക് ലൈബ്രറി കൗൺസിൽ അംഗം കെ.എൻ. നാസ്സർ, പഞ്ചായത്ത് നേതൃസമതി കൺവീനർ ഇ.എ. ഹരിദാസ്, പ്രോഗ്രാം കമ്മിറ്റി കൺവീനർ പി. കെ. മനോജ്, ലൈബ്രറി കമ്മിറ്റി അംഗം വി.പി.അജാസ് എന്നിവർ സംസാരിച്ചു.