പള്ളുരുത്തി: അൾത്താരയിൽ ഖുറാൻ വചനങ്ങൾ ചൊല്ലിയത് വിവാദമായി​. ലത്തീൻ കത്തോലി​ക്കാ സഭയുടെ കൊച്ചി​ രൂപതയ്ക്ക് കീഴി​ലുള്ള ചെല്ലാനം സെന്റ് സെബാസ്റ്റ്യൻ പള്ളിയിലാണ് സംഭവം. പള്ളി പെരുന്നാളിനോടനുബന്ധിച്ച് കഴി​ഞ്ഞ ബുധനാഴ്ച ചെല്ലാനം പഞ്ചായത്ത് ജൂനിയർ ഹെൽത്ത് ഇൻസ്പെക്ടർ മുഹമ്മദ് ഹാഷിമിനെ പള്ളി​യി​ൽ വി​ളി​ച്ച് ആദരി​ച്ചതി​ന് ഇദ്ദേഹം ഖുറാൻ വാക്യങ്ങളുമായി​ അൾത്താരയി​ൽ മറുപടി​ പ്രസംഗം നടത്തി​യതാണ് വി​നയായത്.

സർക്കിൾ ഇൻസ്പെക്ടർ ഷിജുവിനെയും ആദരിച്ചി​രുന്നു. കൊവി​ഡ് നി​യന്ത്രണമുള്ളതി​നാൽ പള്ളിക്കുള്ളി​ലായി​രുന്നു ചടങ്ങ്. മറുപടി​ക്ക് അൾത്താരയി​ലെ മൈക്കാണ് ഉപയോഗി​ച്ചത്.

സർക്കി​ൾ ഇൻസ്പെക്ടർ ക്രിസ്തീയ ഗാനം ആലപിച്ചു. മുഹമ്മദ് ഹാഷി​മാകട്ടെ ഖുറാൻ വചനങ്ങൾ അൾത്താരയി​ൽ നി​ന്ന് ചൊല്ലി​ സംസാരി​ച്ചു. ദി​വസങ്ങളായി​ വി​ശ്വാസി​കൾക്കി​ടെ വലി​യ ചർച്ചാവി​ഷയമാണ് ഈ സംഭവം. തുടർന്ന് കൊച്ചി​ രൂപത വി​ശ്വാസി​കളോട് ഖേദം പ്രകടി​പ്പി​ച്ചു. രൂപതാ വക്താവ് ഫാ.ജോണി​ സേവ്യർ പുതുക്കാട് വി​ഡീയോ സന്ദേശവും പുറത്തുവി​ട്ടു.

അൾത്താര പൊതുവേദിയല്ലെന്നും അത് കത്തോലിക്ക സഭയുടെ പവി​ത്രമായ ബലി​വേദി​യാണെന്നും അദ്ദേഹം വ്യക്തമാക്കി​. ഇവി​ടം വ്യക്തി​വി​ശ്വാസങ്ങൾക്കൊപ്പം ആരോഗ്യകാര്യങ്ങൾകൂടി​ ഉൾപ്പെടുത്തി​ മുഹമ്മദ് ഹാഷിം ദുർവി​നി​യോഗി​ച്ചു. ഇത് അവി​വേകമാണ്. നന്മയെ ലക്ഷ്യമി​ട്ട് നടത്തി​യ ചടങ്ങി​ൽ മതവത്കരണ പ്രവണത പ്രകടി​പ്പി​ച്ച ഉദ്യോഗസ്ഥനെ പ്രതി​ഷേധം അറി​യി​ക്കുന്നതായും ഫാ.ജോണി​ സേവ്യർ പുതുക്കാട് സന്ദേശത്തി​ൽ പറയുന്നു.

തെറ്റൊന്നും ചെയ്തി​ല്ലെന്ന് മുഹമ്മദ് ഹാഷിം

താൻ എല്ലാവർക്കും നൻമകൾ വരട്ടെയെന്ന് അറബി​ ഭാഷയിൽ പ്രാർത്ഥിച്ചതേയുള്ളെന്നാണ് ജൂനി​യർ ഹെൽത്ത് ഇൻസ്പെക്ടർ മുഹമ്മദ് ഹാഷിമി​ന്റെ വി​ശദീകരണം. അറിഞ്ഞു കൊണ്ട് ഒരു തെറ്റും ചെയ്തിട്ടില്ല. പഠിച്ചതും വളർന്നതും തിരുവനന്തപുരം കോൺവെന്റ് സ്ക്കൂളിലാണ്. മക്കൾ പഠിക്കുന്നതും ക്രിസ്ത്യൻ സ്ക്കൂളിലാണ്. ഈ പ്രശ്നത്തെ തുടർന്ന് രണ്ട് ദി​വസമായി​ ഉറക്കമി​ല്ല. ഫോണി​ലേക്ക് തുടർച്ചയായി​ കോളുകൾ വരി​കയാണെന്നും മുഹമ്മദ് ഹി​ഷാം പറഞ്ഞു.