കൂത്താട്ടുകുളം: കൊവിഡ് 19 വ്യാപനത്തിന്റെ പശ്ചാത്തലത്തിൽ കൂത്താട്ടുകുളത്ത് വ്യാപാര സ്ഥാപനങ്ങളുടെ പ്രവർത്തനത്തിൽ നിയന്ത്രണം കൊണ്ടുവരാൻ സർവ്വകക്ഷി യോഗത്തിൽ തീരുമാനം. കടകളുടെ പ്രവർത്തനം രാവിലെ 9 മുതൽ 6 വരെയും, ഹോട്ടലുകളുടെ പ്രവർത്തനം രാത്രി 10 വരെയാക്കാനാണ് സർവകക്ഷി യോഗത്തിൽ തീരുമാനം. അതേ സമയം ഇന്നലെ കൂത്താട്ടുകുളത്ത് 19 പേർക്ക് കൂടി കൊവിഡ് സ്ഥിരീകരിച്ചു. കൊവിഡ് വ്യാപനം തുടരുന്നതിനാൽ ഇലഞ്ഞി പഞ്ചായത്തിലെ വ്യാപാര സ്ഥാപനങ്ങളുടെ പ്രവർത്തന നിയന്ത്രണവും തുടരുകയാണ്.