ആലുവ: എടയപ്പുറം എസ്.എൻ.ഡി.പി ഗ്രന്ഥശാല ജനപ്രതിനിധികൾക്ക് നൽകിയ സ്വീകരണ സമ്മേളനം അൻവർ സാദത്ത് എം.എൽ.എ ഉദ്ഘാടനം ചെയ്തു. ഗ്രന്ഥശാല പ്രസിഡന്റ് സി.കെ. ജയൻ അദ്ധ്യക്ഷത വഹിച്ചു. ഗ്രന്ഥശാല താലൂക്ക് കൗൺസിൽ സെക്രട്ടറി വി.കെ. ഷാജി മുഖ്യപ്രഭാഷണം നടത്തി.
ജില്ലാ പഞ്ചായത്ത് അംഗം സനിത റഹിം, കീഴ്മാട് ഗ്രാമപഞ്ചായത്ത് പ്രസിഡന്റ് സതി ലാലു, വൈസ് പ്രസിഡന്റ് അഭിലാഷ് അശോകൻ, ബ്ലോക്ക് പഞ്ചായത്ത് അംഗം ലിസി സെബാസ്റ്റ്യൻ, ഗ്രാമപഞ്ചായത്ത് അംഗങ്ങളായ ഹിത ജയകുമാർ, സാഹിദ അബ്ദുൽ സലാം, സിമി അഷറഫ്, റസീന നജീബ് എന്നിവർക്കാണ് സ്വീകരണം നൽകിയത്. എസ്.എസ്.എൽ.സി, പ്ലസ് ടു പരീക്ഷകളിൽ എ പ്ലസ് നേടിയവർക്കുള്ള ഉപഹാര വിതരണം അഭിലാഷ് അശോകൻ നിർവഹിച്ചു. ഗ്രന്ഥശാല സെക്രട്ടറി ടി.കെ. ശാന്തകുമാർ,വനിതാ വേദി കോ ഓർഡിനേറ്റർ ശ്രീനിക സാജു എന്നിവർ സംസാരിച്ചു.