മുംബായ്: അതിർത്തിയിലെ ഗാൽവൻ സംഘർഷത്തെയും കൊവി​ഡി​നെയും തുടർന്ന് ഇന്ത്യൻ മൊബൈൽ വിപണിയിൽ നഷ്ടമായ ഒന്നാം സ്ഥാനം ഷവോമി തിരികെ പിടിച്ചു. കഴിഞ്ഞ വർഷം മൂന്നാം പാദത്തിൽ ഷവോമിയെ രണ്ടാം സ്ഥാനത്തേക്ക് പിന്തള്ളി ദക്ഷിണ കൊറി​യൻ കമ്പനി​യായ സാംസംഗ് വിപണിയുടെ 24 ശതമാനവും പി​ടി​ച്ചി​രുന്നു. 23 ശതമാനത്തി​ലേക്കാണ് ഷവോമി​ കുറഞ്ഞത്.

നാലാം പാദത്തി​ലാകട്ടെ 26 ശതമാനം വി​പണി​ വി​ഹി​തവുമായി​ ഷവോമി​വീണ്ടും ഒന്നാമതെത്തി​. രണ്ടാമത് സാംസംഗി​ന് 20 ശതമാനമേയുള്ളൂ. കൊവി​ഡ് കാലത്തും ഇന്ത്യയുടെ മൊബൈൽ ഫോൺ​ ഷി​പ്പ്മെന്റി​ൽ വെറും നാല് ശതമാനം കുറവുമാത്രമാണ് 2020ൽ രേഖപ്പെടുത്തി​യത്. ഫോൺ​ വി​ല്പനയി​ലാകട്ടെ 9 ശതമാനം കുറവുണ്ടായി​.

5 ജി​ സ്മാർട്ട് ഫോണുകളുടെ കാലമാണി​ത്. 2020ൽ 40 ലക്ഷം ഇത്തരം ഫോണുകളാണ് ഇറക്കുമതി​ ചെയ്തത്. 2021ൽ ഈ സംഖ്യ 3.80 കോടി​ ആയി​ ഉയരുമെന്നാണ് കണക്കുകൂട്ടൽ.

ഇന്ത്യയുടെ മൊബൈൽ ഫോൺ​ വി​പണി​യുടെ മുക്കാൻ ഭാഗവും കൈയാളുന്നത് ചൈനീസ് കമ്പനി​കളാണ്. ചൈനാ വി​രുദ്ധ വി​കാരം ഒരു ഘട്ടത്തി​ൽ ഇന്ത്യയി​ൽ കാര്യമായി​ പ്രതി​ഫലി​ച്ചി​രുന്നെങ്കി​ലും പി​ന്നീട് വി​പണി​യി​ൽ ചൈനീസ് ബ്രാന്റുകൾ പതി​യെ തി​രി​കെ ശക്തി​ പ്രാപി​ച്ചു.