കൊച്ചി: വെള്ളൂർ ഗ്രാമപഞ്ചായത്ത് വൈസ് പ്രസിഡന്റായി വിജയിച്ച എസ്.എൻ.ഡി.പി. യോഗം വനിതാസംഘം തലയോലപ്പറമ്പ് യൂണിയൻ പ്രസിഡന്റ് ജയ അനിലിന് യൂണിയൻ ആസ്ഥാനത്ത് സ്വീകരണം നൽകി. കെ.ആർ. നാരായണൻ സ്മാരക തലയോലപ്പറമ്പ് യൂണിയൻ സെക്രട്ടറി എസ്.ഡി. സുരേഷ് ബാബു ഉദ്ഘാടനം ചെയ്തു. യൂണിയൻ പ്രസിഡന്റ് ഇ.ഡി. പ്രകാശൻ അദ്ധ്യക്ഷത വഹിച്ചു. വനിതാസംഘം സെക്രട്ടറി ധന്യ പുരുഷോത്തമൻ, വൈസ് പ്രസിഡന്റ് ബീനാ പ്രകാശ്, യൂണിയൻ കൗൺസിലർമാരായ കെ.എസ്. അജീഷ്‌കുമാർ, യു.എസ്. പ്രസന്നൻ, ഓമന രാമകൃഷ്ണൻ, ആശാ അനീഷ്, വി.ആർ. ശ്രീകല, രാജി ദേവരാജൻ, വത്സ മോഹനൻ തുടങ്ങിയവർ പ്രസംഗിച്ചു.