ആലുവ: കാപ്പ ചുമത്തി നാടുകടത്തിയ പ്രതിയെ നിയമം ലംഘിച്ചതിന് പൊലീസ് അറസ്റ്റുചെയ്തു. കൊമ്പനാട് ക്രാരിയേലി മാനാംകുഴി വീട്ടിൽ ലിന്റോയെയാണ് (23) നാടുകടത്തൽ ലംഘിച്ച് റൂറൽ ജില്ലയിൽ പ്രവേശിച്ചതിന് റൂറൽ ജില്ലാ പൊലീസ് മേധാവി കെ. കാർത്തിക്കിന്റെ നേതൃത്വത്തിലുള്ള പ്രത്യേകസംഘം പിടികൂടിയത്.

കോടനാട് പൊലീസ് സ്റ്റേഷൻ പരിധിയിലാണ് ഇയാൾ പ്രവേശിച്ചത്. പെരുമ്പാവൂർ, കുറുപ്പംപടി, മൂവാറ്റുപുഴ സ്റ്റേഷനുകളിൽ മോഷണം, കവർച്ച തുടങ്ങി അഞ്ചോളം കേസിൽ പ്രതിയാണ്. ഇയാളുടെ പേരിൽ കഞ്ചാവ് കേസുമുണ്ട്. റൂറൽ എസ്.പി കെ. കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നാടുകടത്തിയത്. എസ്.ഐ. ഒ.എം. സാലി, എ.എസ്.ഐമാരായ ജി. ലാൽ, അജി പി. നായർ, സി.പി.ഒ വിപിൻകുമാർ എന്നിവരാണ് അറസ്റ്റുചെയ്തു.