ആലുവ: മഹാത്മാ ഗാന്ധിയുടെ രക്തസാക്ഷി ദിനമായ ഇന്ന് ഛായാചിത്രത്തിനു മുമ്പിൽ പുഷ്പാഞ്ജലി അർപ്പിക്കാൻ പൊതുജനങ്ങൾക്കും അവസരമൊരുക്കി 'എന്റെ ഗ്രാമം ഗാന്ധിജിയിലൂടെ മിഷൻ'. മുപ്പത്തടം ദ്വാരക ഹോട്ടലിന്റെ മുമ്പിലാണ് ഇതിനുള്ള സൗകര്യമൊരുക്കിയിരിക്കുന്നത്. കൃത്യമായ കൊവിഡ് മാനദണ്ഡങ്ങൾ പാലിച്ച് കാലത്ത് ആറ് മുതൽ വൈകിട്ട് ആറ് വരെയാണ് പരിപാടി. അഖണ്ഡ വൈഷ്ണവജനതോ കീർത്തനത്തിന്റെ ആലാപനനിറവിൽ പുഷ്പ്പാർച്ചന, ലഘു പ്രഭാഷണങ്ങൾ, ആരതി എന്നിവ നടക്കുമെന്ന് ശ്രീമൻ നാരായണൻ അറിയിച്ചു.