ഇടുക്കി: കൊവിഡ് വാക്‌സിനേഷൻ ഡ്രൈ റൺ ഇന്ന് രാവിലെ 9 മുതൽ 11 വരെ വാഴത്തോപ്പ് പ്രാഥമികാരോഗ്യ കേന്ദ്രത്തിൽ നടത്തും. തിരഞ്ഞെടുത്ത 25 ആരോഗ്യ പ്രവർത്തകരിലാണ് വാക്‌സിനേഷൻ നൽകേണ്ട മാതൃകയിൽ പരീക്ഷണം നടത്തുക. പരിപാടിയിൽ ജില്ലാ കളക്ടർ എച്ച് ദിനേശൻ. ജില്ലാ മെഡിക്കൽ ഓഫീസർ ഡോ എൻ പ്രിയ, ത്രിതല പഞ്ചായത്ത് പ്രതിനിധികൾ തുടങ്ങിയവർ പങ്കെടുക്കും.ഓരോ കേന്ദ്രങ്ങളിലും 25 ആരോഗ്യ പ്രവർത്തകർ വീതമാണ് ഡ്രൈ റണിൽ പങ്കെടുക്കുക.ആദ്യ ഘട്ടത്തിൽ സർക്കാർ, സ്വകാര്യ മേഖലയിലുള്ള എല്ലാ വിഭാഗം ആരോഗ്യ പ്രവർത്തകർ, മെഡിക്കൽ വിദ്യാർത്ഥികൾ, ആശാ വർക്കർമാർ, ഐ.സി.ഡി.എസ്. അങ്കണവാടി ജീവനക്കാർ എന്നിവർക്കാണ് വാക്‌സിൻ നൽകുന്നത്.