നെടുങ്കണ്ടം: എസ്.എൻ.ഡി.പി യോഗം പച്ചടി ശ്രീധരൻ സ്മാരക നെടുങ്കണ്ടം യൂണിയന്റെ ആഭിമുഖ്യത്തിൽ 9, 10 തീയതികളിലായി പ്രീമാര്യേജ് കൗൺസിലിംഗ് നടത്തും. ഒമ്പതിന് രാവിലെ 9.30ന് യൂണിയൻ സെക്രട്ടറി സുധാകരൻ ആടിപ്ലാക്കലിന്റെ അദ്ധ്യക്ഷതയിൽ യൂണിയൻ പ്രസിഡന്റ് സജി പറമ്പത്ത് ഉദ്ഘാടനം ചെയ്യും. ഗുരുധർമ്മം കുടുംബജീവിതത്തിൽ എന്ന വിഷയത്തിൽ ബിജു പുളിക്കലേടത്തും സംതൃപ്തമായ കുടുംബജീവിതം എന്ന വിഷയത്തിൽ ലെനിൻ പുളിക്കലും ഒന്നാം ദിവസം ക്ലാസ് നയിക്കും. രണ്ടാം ദിവസമായ 10ന് എസ്.എൻ.ഡി.പി യോഗം വർത്തമാന കാലത്തിൽ എന്ന വിഷയത്തിൽ കെ.എൻ. തങ്കപ്പൻ, ഇമ്പം ദാമ്പത്യത്തിൽ എന്ന വിഷയത്തിൽ പായിപ്ര ദമനൻ, ഗർഭധാരണം, പ്രസവം, ശിശു പരിപാലനം എന്ന വിഷയത്തിൽ ശരത്ത് ടി.ആർ എന്നിവർ ക്ലാസുകൾ നയിക്കും. കൊവിഡ് പ്രതിരോധ മാനദണ്ഡങ്ങൾ പാലിച്ച് നടത്തുന്ന കൗൺസിലിംഗിൽ യുവതീ യുവാക്കൾ പങ്കെടുക്കണമെന്ന് യൂണിയൻ സെക്രട്ടറി അറിയിച്ചു.