അടിമാലി: എസ്.എൻ.ഡി.പി.യോഗം അടിമാലി യൂണിയന്റെ ആഭിമുഖ്യത്തിൽ 63ാമത് വിവാഹപൂർവ്വകൗൺസിലിംഗ് (പ്രീമാര്യേജ് കോഴ്‌സ്) ജനുവരി 23,24 തിയതികളിൽ അടിമാലി യൂണിയൻ ആഡിറ്റോറിയത്തിൽട നടത്തുമെന്ന് യൂണിയൻ സെക്രട്ടറി കെ.കെ. ജയൻ അറിയിച്ചു.
രണ്ട് ദിവസങ്ങളിലായി നടക്കുന്ന വിവാഹപൂർവ്വ കൗൺസിലിംഗിൽ കെ.എസ്.ലതീഷ്‌കുമാർ, കൊടുവഴങ്ങ ബാലകൃഷ്ണൻ, ഡോ.ശരത്ത്, രാജേഷ് പൊൻമല തുടങ്ങിയവർ ക്ലാസ്സുകൾ നയിക്കും.
23 ന് രാവിലെ 9 ന് യൂണിയൻ പ്രസിഡന്റ് അഡ്വ.പ്രതീഷ് പ്രഭയുടെ അദ്ധ്യക്ഷതയിൽ നടക്കുന്ന ഉദ്ഘാടന സമ്മേളനത്തിൽ യൂണിയൻ വൈസ് പ്രസിഡന്റ് സുനു രാമകൃഷ്ണൻ, യൂണിയൻ സെക്രട്ടറി കെ.കെ. ജയൻ, നിയുക്ത യോഗം ബോർഡ് മെമ്പർ അഡ്വ.നൈജു രവീന്ദ്രനാഥ് യൂണിയൻ കൗൺസിലർമാരായ മോഹനൻ തലച്ചിറ, വിക്രമൻ കുരിശുപാറ, ബിനു കുന്നേൽ., വിജയൻ മുക്കുടം, മനോജ്കുമാർ മുതുവാൻകുടി, യൂത്ത്മൂവ്‌മെന്റ് യൂണിയൻ പ്രസിഡന്റ് കിഷോർ എസ്, സെക്രട്ടറി ബാബുലാൽ, വനിതാസംഘം പ്രസിഡന്റ് കമലകുമാരി ബാബു, സെക്രട്ടറി ജെസ്സി ഷാജി, തുടങ്ങിയവർ പങ്കെടുക്കും.