തൊടുപുഴ: ഖാദി ഗ്രാമ വ്യവസായ ബോർഡ് നടപ്പിലാക്കി വരുന്ന എന്റെ ഗ്രാമം പ്രത്യേക തൊഴിൽദാന പദ്ധതി പ്രകാരം ഖാദി ഗ്രാമ വ്യവസായങ്ങൾ ആരംഭിക്കുന്നതിനുവേണ്ടി അപേക്ഷ ക്ഷണിച്ചു. പരമാവധി അഞ്ച് ലക്ഷം രൂപ വരെ മൊത്തം മുതൽ മുടക്കുളള ഖാദി കമ്മീഷന്റെ നെഗറ്റീവ് ലിസ്റ്റിൽ ഉൾപ്പെടാത്ത പ്രോജക്ടുകൾ തുടങ്ങുന്നതിന് സംരംഭകർക്ക് അപേക്ഷിക്കാം. ബാങ്ക് മുഖേനയുളള വായ്പ എസ്. സി/ എസ്.ടി പ്രവാസികൾ എന്നിവർക്ക് 40 ശതമാനവും വനിതകൾ, പിന്നാക്ക വിഭാഗക്കാർ (ഒബിസി/ഒഇസി) എന്നിവർക്ക് 30 ശതമാനവും ജനറൽ വിഭാഗങ്ങൾക്ക് 25 ശതമാനവും മാർജിൻ മണി ലഭിക്കും. കൂടുതൽ വിവരങ്ങൾക്ക് തൊടുപുഴയിലുളള ജില്ലാ ഖാദി ഗ്രാമ വ്യവസായ ഓഫീസുമായി ബന്ധപ്പെടക. ഫോൺ: 04862 222344