തൊടുപുഴ: ജില്ലയിൽ ഇന്നലെ 283 പേർക്ക് കൊവിഡ്- 19 സ്ഥിരീകരിച്ചു. ജില്ലയിൽ ഇതുവരെയുള്ള പ്രതിദിന കൊവിഡ് രോഗികളുടെ എണ്ണത്തിൽ ഏറ്റവും ഉയർന്ന കണക്കാണിത്. 263 പേർക്ക് സമ്പർക്കത്തിലൂടെയാണ് രോഗബാധ ഉണ്ടായത്. ഇതിൽ എട്ട് പേരുടെ ഉറവിടം വ്യക്തമല്ല. ഒരു ആരോഗ്യ പ്രവർത്തകനും അന്യ സംസ്ഥാനത്ത് നിന്നെത്തിയ പത്തു പേർക്കും വിദേശത്ത് നിന്നെത്തിയ ഒരാൾക്കും ജില്ലയിൽ ഇന്നലെ രോഗം സ്ഥിരീകരിച്ചിട്ടുണ്ട്. 65 പേർ ഇന്നലെ രോഗമുക്തരായി.