ചെറുതോണി: ദേശീയ കർഷക തൊഴിലാളി ഫെഡറേഷൻ ജില്ലാ കമ്മിറ്റിയുടെ നേതൃത്വത്തിൽ കർഷക ബില്ലിനെതിരെ സമരം ചെയ്യുന്ന കർഷകർക്ക് പിന്തുണ പ്രഖ്യാപിച്ച് തിങ്കളാഴ്ച ഏകദിന ഉപവാസ സമരം നടത്തുമെന്ന് ജില്ലാ പ്രസിഡന്റ് അനിൽ ആനയ്ക്കനാട്ട് അറിയിച്ചു. ചെറുതോണിയിൽ രാവിലെ 10ന് ആരംഭിക്കുന്ന സമരം എ.ഐ.സി.സി അംഗം അഡ്വ. ഇ.എം. ആഗസ്തി ഉദ്ഘാടനം ചെയ്യും. സമാപന സമ്മേളനം ഡി.കെ.ടി.എഫ് സംസ്ഥാന പ്രസിഡന്റ് ജോയി മാളിയേക്കൽ ഉദ്ഘാടനം ചെയ്യും. കോൺഗ്രസിന്റെയും പാർട്ടിയുടെയും സംസ്ഥാന ജില്ലാ നേതാക്കൾ പ്രസംഗിക്കും.