ഇടുക്കി: 2020 ൽ പ്ലസ്ടു പരീക്ഷയിൽ കെമിസ്ട്രി, ഫിസിക്‌സ്, ബയോളജി, കണക്ക്, ഇംഗ്ലീഷ് എന്നീ വിഷയങ്ങളിൽ ബി പ്ലസിൽ കുറയാത്ത ഗ്രേഡ് വാങ്ങി പാസായതും കുടുംബ വാർഷിക വരുമാന പരിധി 6 ലക്ഷം രൂപയിൽ കവിയാത്തതുമായ പട്ടികജാതിയിൽപ്പെട്ട വിദ്യാർത്ഥികൾക്ക് ജില്ലാ പട്ടികജാതി വികസന ആഫീസറും ജില്ലാ കളക്ടറും അടങ്ങുന്ന സമിതി തിരഞ്ഞെടുക്കുന്ന സ്ഥാപനങ്ങൾ മുഖേന എൻട്രൻസ് പരിശീലനം നൽകുന്ന പദ്ധതിയിലേക്ക് അപേക്ഷ ക്ഷണിച്ചു. അപേക്ഷകർ പ്ലസ്ടു പാസായ മാർക്ക് ഷീറ്റ്, ജാതി, വരുമാന സർട്ടിഫിക്കറ്റ് എന്നിവയുടെ പകർപ്പുകൾ സഹിതം വെള്ളപേപ്പറിൽ തയ്യാറാക്കിയ അപേക്ഷകൾ സഹിതം ജില്ലാ പട്ടികജാതി വികസന ഓഫീസർ, ഇടുക്കി എന്ന വിലാസത്തിൽ ജനുവരി 30നകം അപേക്ഷ നൽകണം. കൂടുതൽ വിവരങ്ങൾക്ക് ഫോൺ: 04862 296297.