ഇടുക്കി: സംസ്ഥാന സർക്കാർ നാഷണൽ എംപ്ലോയ്‌മെന്റ് സർവീസ് (കേരളം) വകുപ്പ് മുഖേന നടപ്പിലാക്കി വരുന്ന സ്റ്റേറ്റ് വൊക്കേഷണൽ ഗൈഡൻസ് യൂണിറ്റ് ശാക്തീകരണം പദ്ധതിയിൽ സൗജന്യ ഓൺലൈൻ മത്സര പരീക്ഷാ പരിശീലനം നൽകുന്നു. എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്തിട്ടുള്ള എറണാകുളം, തൃശൂർ, ഇടുക്കി, കോട്ടയം ജില്ലകളിലെ ഉദ്യോഗാർത്ഥികൾക്ക് പങ്കെടുക്കാം. 27 മുതൽ മാർച്ച് മൂന്നുവരെ 30 ദിവസമാണ് പരിശീലനം. പി.എസ്.സി നടത്താൻ നിശ്ചയിച്ചിട്ടുള്ള ബിരുദതലത്തിലുള്ള ഒഴിവുകൾക്ക് വേണ്ടി നടത്തുന്ന പ്രവേശന പരീക്ഷയുടെ സിലബസ് അടിസ്ഥാനമാക്കിയാണ് ക്ലാസുകൾ. താത്പര്യമുള്ളവർ ബയോഡാറ്റ, വാട്‌സ്ആപ്പ് നമ്പർ സഹിതം 25ന് മുമ്പായി rpeeekm.emp.lbr@kerala. gov. inഎന്ന ഇമെയിലിൽ രജിസ്റ്റർ ചെയ്യണം. എറണാകുളം പ്രൊഫഷണൽ ആൻഡ് എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്തിട്ടുള്ള ഉദ്യോഗാർഥികൾക്ക് മുൻഗണന ഉണ്ടാകും.