തൊടുപുഴ: കേരള ഹോട്ടൽ ആന്റ് റസ്റ്റോറന്റ് അസോസിയേഷന്റെ ആഭിമുഖ്യത്തിൽ തൊടുപുഴ ശ്രീവിനായക ഹോട്ടൽ ഹാളിൽ കൊവിഡാനന്തര കേരളവും ഭക്ഷണവിതരണ മേഖലയും എന്ന വിഷയത്തിൽ സെമിനാറും ജനപ്രതിനിധികൾക്ക് സ്വീകരണവും നടത്തി. തൊടുപുഴ മുനിസിപ്പൽ ചെയർമാൻ സനീഷ് ജോർജ്ജ് സെമിനാർ ഉദ്ഘാടനം ചെയ്തു. കെ.എച്ച്.ആർ.എ ജില്ലാ പ്രസിഡന്റ് എം.എൻ. ബാബു അദ്ധ്യക്ഷത വഹിച്ചു. ഭക്ഷണമേഖലയിൽ പ്രവർത്തിക്കുന്നവർ യഥാർത്ഥ്യത്തിൽ ആരോഗ്യപ്രവർത്തനം തന്നെയാണ് നടത്തുന്നതെന്നും ആരോഗ്യരംഗത്ത് പ്രവർത്തിക്കുന്നവർക്കുള്ള ആനുകൂല്യങ്ങളും പരിഗണനകളും വേണമെന്ന് പ്രമേയത്തിലൂടെ യോഗം ആവശ്യപ്പെട്ടു. വൈസ് ചെയർപേഴ്സൺ ജെസി ജോണി, വാർഡ് കൗൺസിലർ പ്രൊഫ. ജെസി ആന്റണി, കാഡ്സ് പ്രസിഡന്റ് ആന്റണി കണ്ടിരിക്കൽ, ഫുഡ് സേഫ്റ്റി ഓഫീസർ എം.എൻ. ഷംസിയ, കൊവിഡ്​- 19 വോളന്റിയേഴ്സ് കൺവീനർ പി.കെ. രാജേന്ദ്രൻ, കോ-ഓർഡിനേറ്റർ സുനിൽചന്ദ്ര, കെ.എച്ച്.ആർ.എ ഭാരവാഹികളായ അബ്ദുൾഖാദർ ഹാജി, പി.കെ. മോഹനൻ, പ്രവീൺ വി, നാവൂർഖനി, ജയൻ ജോസഫ്, സജി പോൾ, എം.ആർ. ഗോപൻ, മാർഷൽപോൾ, പ്രശാന്ത് കുട്ടപ്പാസ്, ഷീബ റ്റോമി, സാബു പോൾ എന്നിവർ സംസാരിച്ചു.